Պեսկովը հայտարարել է, որ Թուրքիա Պուտինի այցը դեռ համաձայնեցվում է

ՌԴ նախագահ Վլադիմիր Պուտինի՝ Թուրքիա այցի համաձայնեցումը շարունակվում է, հստակ ժամկետներ դեռ չկան։ Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը։

«Այն դեռ որոշված չէ։ Իսկապես, այցը քննարկված է, կա ըմբռնում, և մենք դրան պատրաստվում ենք։ Իսկապես, նախապատրաստական ​​աշխատանքներ են տարվում այս այցի համար, մենք անհամբեր սպասում ենք դրան։ Հաշվի առնելով մեր ընտրական ցիկլը և Թուրքիայի նախագահի զբաղված աշխատանքային գրաֆիկը՝ երբ այդ ժամկետները համաձայնեցվեն, մենք մեր գործընկերների հետ միասին կհայտարարենք դրա մասին»,- ասել է Կրեմլի ներկայացուցիչը։

Նշենք, որ Անկարայում իր դիվանագիտական աղբյուրին վկայակոչելով՝ ՌԻԱ Նովոստիին հայտնել էր, որ փետրվարին նախատեսված Պուտինի այցը հետաձգվել է։

«Երկու երկրներում ընտրական ցիկլի հետ կապված, ինչպես գիտեք՝ Թուրքիայում անցկացվելու են ՏԻՄ ընտրություններ, իսկ Ռուսաստանում՝ նախագահական, որոշվել է (Պուտինի) այցը հետաձգել, նախնական տվյալներով՝ ապրիլի վերջ-մայիսի սկիզբ»,- ասել էր գործակալության զրուցակիցը:

Ավելի վաղ ռուսական և թուրքական դիվանագիտական աղբյուրներն ու միջազգային լրատվամիջոցները հայտնում էին, որ Պուտինի այցը Թուրքիա տեղի կունենա փետրվարի 12-ին։ Այն, որ այցը լինելու է փետրվարին, հայտնել էր նաև ՌԴ նախագահի արտաքին հարաբերությունների հարցերով օգնական Յուրի Ուշակովը։

Օրերս էլ հարցազրույցում Թուրքիայի ԱԳ նախարար Հաքան Ֆիդանը թուրքական A Haber-ի հետ հարցազրույցում հաստատել էր Վլադիմիր Պուտինի մոտալուտ այցը երկիր՝ չհայտարարելով ստույգ ամսաթիվը։ Նա նշել էր, որ բանակցությունների օրակարգում են լինելու էներգետիկան, պատերազմը Գազայում, Սևծովյան առևտրային ուղիները և Սիրիան։

Էմմա Չոբանյան