12.08.2026 | 11:53
2026 թվականի ավարտին Հայաստանում կգործեն 27 երիտասարդական միջավայրեր. ԿԳՄՍ նախարարի ուղերձը
Իսլանդիայի հարավ-արևմուտքում կրկին հրաբուխ է ժայթքել
Քաղաքականություն
08.02.2024 | 16:00
Իսլանդիայի հարավ-արևմուտքում գտնվող Ռեյկյանես թերակղզում փետրվարի 8-ի առավոտյան հրաբխի ժայթքում է սկսվել, հայտնում են երկրի իշխանությունները, գրում է DW-ի ռուսական ծառայությունը։
«Առավոտյան ժամը 05.30-ին ինտենսիվ փոքր երկրաշարժ սկսվեց Սիլինգարֆելից հյուսիս-արևելք (գագաթնակետ Իսլանդիայի հարավ-արևմուտքում): Մոտ 30 րոպե անց նույն տարածքում ժայթքում է սկսվել»,- ասվում է Իսլանդիայի օդերևութաբանական գրասենյակի (IMO) հայտարարության մեջ:
Տեղական լրատվամիջոցների հրապարակած լուսանկարներն ու տեսանյութերը ցույց են տալիս, որ լավա է հոսում ճեղքից՝ լուսավորելով գիշերային երկնքի տակ բարձրացող ծխի սյունը։
IMO-ն ավելացրել է, որ առափնյա պահպանության նախնական գնահատականներով՝ անդունդը մոտ երեք կիլոմետր երկարություն է ունեցել: Այն ձևավորվել է նույն տարածքում, ինչ նախորդ երկու ժայթքումները․ առաջինը՝ 2023 թվականի դեկտեմբերի 18-ին, իսկ երկրորդը՝ հունվարի 14-ին՝ Գրինդավիկ քաղաքի մոտ, որի բնակչությունը տարհանվել է:
Սա Իսլանդիայում վերջին երկու տարվա ընթացքում վեցերորդ հրաբխային ժայթքումն է: Գրինդավիկը գտնվում է Ռեյկյանես թերակղզում՝ երկրի հարավ-արևմուտքում։ Քաղաքի բնակչությունը կազմում է 4000 մարդ, որոնք հիմնականում զբաղվում են ձկնորսությամբ։ Մինչև 2021 թվականի մարտը թերակղզին ութ դարերի ընթացքում ժայթքում չէր տեսել:
