«Կառլեն Եսայանի անվան պոլիկլինիկա» ՓԲԸ-ի սանհանգույցում թուղթ և օճառ չկա։ Այս մասին քիչ առաջ Factor.am-ին ահազանգել է քաղաքացիներից մեկը և լուսանկարներ փոխանցել։ Երևանի քաղաքապետարանից մեր հարցին ի պատասխան պնդեցին, որ «Կառլեն Եսայանի անվան պոլիկլինիկա» ՓԲԸ-ում խիստ ձևով հետևում են հիգիենայի կանոններին և սա առաջին նման դեպքն է։
«Այս պոլիկլինիկայի հետ նման դեպքեր չեն եղել նախկինում։ Երբեմն նկատել են, որ դնում են, իսկ մի քանի րոպե հետո տեսնում են՝ չկա, նորից ավելացնում են։ Այսօր ևս դրված է եղել։ Այս պահին շտկում են այս դեպքը, հիգիենայի պարագաները դրվում են իրենց տեղը», – հայտնեցին Երևանի քաղաքապետարանից։
Քաղաքապետարանից նաև նշում են, որ չկա փաստ, թե ինչի հետևանքով են անհետացել թուղթն ու օճառը, այդ պատճառով չեն կարող տույժ սահմանել պոլիկլինիկայի ղեկավարության նկատմամբ։
Անի Թամրազյան
