12.08.2026 | 16:24
ՄԻՊ-ի նախաձեռնությամբ քննարկվել են ՔԿՀ-ներում արձանագրված խնդիրներն ու դրանց լուծումները
Ստամբուլում դատարանի վրա զինված հարձակում է տեղի ունեցել․ տուժածներ կան․ ԼՈՒՍԱՆԿԱՐՆԵՐ
Քաղաքականություն
06.02.2024 | 16:24
Ստամբուլում երկու անձ զինված հարձակում է իրականացրել դատարանի շենքի վրա։ Այս մասին հայտնում է Թուրքիայի ներքին գործերի նախարար Ալի Երլիքայան, գրում է TRT Haber-ը։
Նախարարը հայտնել է, որ այսօր տեղի ժամանակով 11։46-ին փորձ է արվել գրոհել Ստամբուլի Չաղլայան դատարանի մուտքի մոտ գտնվող անցակետը։ Հարձակվողները կին և տղամարդ են, որոնք սպանվել են։ Նա նշել է, որ վիրավորվել է 6 մարդ, այդ թվում՝ 3 ոստիկան։
Պարզվել է, որ հարձակվողներ Է.Յ.-ն և Պ.Բ.-ն DHKP/C ահաբեկչական կազմակերպության անդամներ են։
Հարձակումից հետո դատարանի մուտքերն ու ելքերը փակվել են, շրջանում ուժեղացվել է անվտանգությունը։ Նախնական տվյալներով՝ ահաբեկիչներից մեկի կողքին պայուսակի մեջ հայտնաբերվել են կազմակերպության դրոշներ ու գրիչներ։ Ենթադրվում է, որ ահաբեկիչները ծրագրել են հարձակումից հետո պարզել դրոշները։
Էմմա Չոբանյան
