12.08.2026 | 12:50
«Օլիմպիակոսն» առաջարկ է արել Նաիր Թիկնիզյանի տրանսֆերի վերաբերյալ. աղբյուր
Բայդենը սպառնում է վետո դնել Իսրայելին օգնության օրինագծի վրա
Քաղաքականություն
06.02.2024 | 10:52
ԱՄՆ նախագահ Ջո Բայդենը վետո կդնի Իսրայելին օգնություն տրամադրելու նախագծի վրա, եթե Կոնգրեսը փաստաթուղթը հաստատի առանց ներառելու Ուկրաինային ֆինանսավորումը։ Այս մասին ասվում է Սպիտակ տան տարածած հայտարարության մեջ, գրում է DW-ի ռուսական ծառայությունը։
Փաստաթղթի տեքստը կրկնում է Սպիտակ տան մամուլի քարտուղար Կարին Ժան-Պիերի՝ փետրվարի 4-ին հրապարակված հայտարարությունը։
Դեմոկրատներն ու հանրապետականներն արդեն մի քանի ամիս է՝ չեն կարողանում փոխզիջում գտնել Ուկրաինային օգնության հարցում։ 2024 թվականի հունվարի վերջին The Washington Post-ը հայտնել էր, որ Հանրապետական կուսակցության ներկայացուցիչներին գրեթե հաջողվել է համաձայնության գալ Սպիտակ տան հետ՝ ուժեղացնելու Մեքսիկայի հետ ԱՄՆ սահմանի պաշտպանությունը՝ Ուկրաինային օգնության դիմաց։ Սակայն վերջին պահին նախկին նախագահ Դոնալդ Թրամփը դեմ արտահայտվեց այս փաստաթղթին։ Դա, ըստ The Washington Post-ի աղբյուրների, փոխել է հանրապետականների զգալի մասի կարծիքը։
