23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
ՌԴ-ի դեմ ԵՄ պատժամիջոցների նոր փաթեթը կարող է սահմանափակումներ ներառել ռուս դիվանագետների նկատմամբ
Քաղաքականություն
05.02.2024 | 18:27
Politico պարբերականը, հղում անելով ԵՄ դիվանագետներից մեկին, հայտնում է, որ Մոսկվայի դեմ եվրոպական պատժամիջոցների 13-րդ փաթեթի առաջարկների թվում է ռուս դիվանագետների ճանապարհորդության սահմանափակում այն երկրով, որտեղ նրանք հավատարմագրված են։ Նշվում է, որ այս առաջարկը Չեխիայի վաղեմի խնդրանքն է, փոխանցում է BBC-ի ռուսական ծառայությունը։
Լրատվամիջոցը, սակայն, նշում է, որ դա անելն այնքան էլ հեշտ չէ, քանի որ Շենգենյան գոտում ճանապարհորդությունների մեծ մասը հաճախ չի վերահսկվում:
ՌԴ-ի դեմ ԵՄ պատժամիջոցների 13-րդ փաթեթը պետք է ներկայացվի փետրվարի 24-ին՝ Ուկրաինա Ռուսաստանի ներխուժման երկրորդ տարելիցին։ Politico-ն սա բավականին խորհրդանշական է համարում և հավելում, որ այն հիմնականում կհանգեցնի պատժամիջոցների ցուցակների և Ռուսաստան արտահանման համար արգելված ապրանքների ցուցակների համալրմանը։
Էմմա Չոբանյան
