12.08.2026 | 16:15
Կասեցվել է «Արծվաբերդ» գազավորված ըմպելիքների արտադրամասի գործունեությունը
Հայտնաբերվել են Բելգորոդի շրջանում կործանված Իլ-76-ի «սև արկղերը»
Քաղաքականություն
25.01.2024 | 14:22
ՌԴ Բելգորոդի շրջանում ռազմական Իլ-76 ինքնաթիռի կործանման վայրում հայտնաբերվել են ձայնային և պարամետրային ինքնագրիչները։ Այս մասին հայտնել է արտակարգ իրավիճակների ծառայությունների ներկայացուցիչը, փոխանցում է Meduza-ն։
Ըստ աղբյուրի՝ «սև արկղերը» գտնվել են ինքնաթիռի պոչային հատվածում։ Դրանք արդեն հանձնվել են քննիչներին։
Նշենք, որ Ռուսաստանն ինքնաթիռի կործանման համար պատասխանատու է համարում Ուկրաինային։ Մոսկվայի տվյալներով՝ ինքնաթիռում եղել են 65 ուկրաինացի ռազմագերիներ, որոնց պետք է տեղափոխեին փոխանակման վայր։ Ինքնաթիռում եղել է նաև ինը ռուս՝ անձնակազմի վեց անդամ և երեք ուղեկցող անձ։
Պաշտոնապես Կիևը չի ստանձնել կատարվածի պատասխանատվությունը, սակայն ինքնաթիռը խոցելու համար Ռուսաստանին չի մեղադրել։
Ուկրաինայի նախագահ Վլադիմիր Զելենսկին էլ հայտարարել է, որ պնդելու է միջադեպի միջազգային հետաքննության անցկացման հարցում։
Էմմա Չոբանյան
