21.10.2026 | 18:21
41.8 մլն դրամ՝ վարչապետի աշխատակազմի պարգևավճարների ու աշխատավարձերի համար, ևս 40 մլն դրամ՝ գործուղումներին
ՀՔԾ պետը միջամտում է արդարադատությանը. Ռոբերտ Քոչարյանի պաշտպանական խումբ
Քաղաքականություն
04.08.2018 | 12:46
ՀՔԾ պետը միջամտում է արդարադատությանը, այսօր հրավիրված մամուլի ասուլիսի ընթացքում ասաց ՀՀ երկրորդ նախագահ Ռոբերտ Քոչարյանի փաստաբան Սարգիս Գրիգորյանը՝ անդրադառնալով երեկ Հանրային ՀԸ-ին տված ՀՔԾ պետ Սասուն Խաչատրյանի հայտարարություններին։
«Հայաստանի օրենսդրության համաձայն, պետական մարմինները պարտավոր են ձեռնպահ մնալ այնպիսի քննարկումներից, որոնք վտանգում են տվյալ դատական պրոցեսը։ ՀՔԾ պետի կողմից հրապարակային հայտարարությունը անմիջական միջամտություն է արդարադատության պրոցեսին»,- ասաց նա։
Իսկ պաշտպանական խմբին նոր միացած փաստաբան Հայկ Ալումյանը նշեց, որ պաշտոնատար անձի գնահատականները չպետք է լինեն միանշանակ. «ՀՔԾ պետը չի կարող անել այնպիսի հայտարարություններ, որոնցից կհետևի, որ տվյալ մեղադրյալը հաստատ կատարել է այդ հանցագործությունը։ Դա անմեղության կանխավարկածի ամենակոպիտ խախտումն է»։
