Բաքուն Թուրքիայի 31 քաղաքացու, այդ թվում՝ իշխանական գործիչների, ներառել է անցանկալի անձանց ցուցակում և արգելել մուտքը երկիր

Լուրեր

20.11.2026 | 13:24
Հաքերները գողացել են Visa-ի, Mastercard-ի և Chase բանկի հաճախորդների տվյալները․ NYP
20.11.2026 | 13:15
Սամվել Կարապետյանի հետ այսպես խոսել չի´ կարելի, մենք չենք վախենում. Աբրահամյանը` Փաշինյանի առաջարկի. ՏԵՍԱՆՅՈՒԹ
20.11.2026 | 13:07
Աբխազիայի հայերին ՌԴ քաղաքացիություն են խոստացել՝ ՀՀ-ում կոնկրետ ուժի քվեարկելու դիմաց․ ահազանգ․ ՏԵՍԱՆՅՈՒԹ
20.11.2026 | 13:01
Լիանա Գասպարյանը ձայանգրություն միացրեց․ ՏԵՍԱՆՅՈՒԹ
20.11.2026 | 12:58
Իրանի դեմ պատերազմն ԱՄՆ-ին արժեցել է 48,3 միլիարդ դոլար․ Սենատը մերժել է բանաձևը, որը Թրամփին կոչ էր անում դադարեցնել Իրանում պատերազմը
20.11.2026 | 12:50
ՀՀ-ի եվրոպական ինտեգրումն ու տնտեսական համագործակցությունը քննարկվել են Մհեր Գրիգորյանի և Չեխիայի դեսպանի հանդիպմանը
20.11.2026 | 12:38
Ուկրաինական ԱԹՍ-ները հարձակվել են ՌԴ Սմոլենսկի մարզի պայթուցիկ նյութերի բաղադրիչների արտադրության գործարանի վրա
20.11.2026 | 12:29
Հայ մարմնամարզիկները մեդալներ են նվաճել միջազգային մրցաշարում
20.11.2026 | 12:21
Հյուսիս-հարավի Քաջարան-Ագարակ 32 կմ ճանապարհահատվածի շինարարությունն ավարտված է շուրջ 60 տոկոսով
20.11.2026 | 12:10
Լարված իրավիճակ Քոչարյանի գործով նիստին // Վրաստանում սգո օր է հայտարարվել․ ԼՈՒՐԵՐ
20.11.2026 | 12:00
Սոնա Ղազարյանի ճեպազրույցը՝ ՈւՂԻՂ
20.11.2026 | 11:59
Լեհաստանում օդային տագնապ է հայտարարվել՝ Ուկրաինային ՌԴ զանգվածային հարվածների ֆոնին
20.11.2026 | 11:50
Չափանիշներ են պետք, որ հասկանալի լինի՝ խախտումները ինչպես են ազդում քվեարկության արդյունքների վրա․ ՏԵՍԱՆՅՈՒԹ
20.11.2026 | 11:38
Վրաստանում նոյեմբերի 22-ը սգո օր է հայտարարվել Թբիլիսիում շենքի փլուզումից հետո
20.11.2026 | 11:36
Տիգրան Աբրահամյանի ճեպազրույցը՝ ՈւՂԻՂ
Բոլորը

Ադրբեջանի արտաքին գործերի նախարարությունը Թուրքիայի 31 քաղաքացու ներառել է անցանկալի անձանց ցուցակում։ Այս մասին հայտնել են Ադրբեջանի ԱԳՆ-ից։

«Հաշվի առնելով տարբեր սոցիալական ցանցերի և ինտերնետային հարթակների միջոցով տարածվող հայտարարությունները, որոնք ուղղված են Ադրբեջանի ինքնիշխանության, ազգային անվտանգության, սահմանադրական կարգի, ժողովրդի և ղեկավարության դեմ, իշխանությունը բռնի ուժով փոխելուն, ինչպես նաև կրոնական արմատականության հողի վրա բռնության հրահրմանը, կրոնական ատելության և թշնամանքի սերմանմանը՝ ստորև թվարկված Թուրքիայի Հանրապետության քաղաքացիները, Ադրբեջանի Հանրապետության օրենսդրության համաձայն, հայտարարվել են «անցանկալի անձ», նրանց արգելվել է մուտք գործել Ադրբեջանի տարածք»,- ասվում է հայտարարության մեջ։

Բաքուն նշում է, որ Ադրբեջանի դեմ թշնամական կոչեր տարածող անձանց նկատմամբ միջոցառումները շարունակվելու են։

«Սև ցուցակում» հայտնվել են՝ Ահմեդ Բարըշ Իյիսոնը՝ İyison Medya-ի և Gazeteciabi նախագծի ղեկավարը, Ջեմ Օզյուրտը՝ բլոգեր, Ակըն Դուրուն՝ TV8-ի և Acunmedya-ի աշխատակից, Դուրսուն Էքերը՝ լրագրող File Prodüksiyon Hizmetleri-ի, Ադեմ Օզկյոսեն՝ լրագրող, քաղաքական վերլուծաբան և գրող, Մուհամմեդ Էմին Յըլդըրըմը՝ Köklü Değişim ամսագրի և լրատվամիջոցների խմբի Ստամբուլի ներկայացուցիչ, Ջյունուտ Սեզերը՝ բլոգեր, սոցիոլոգ, հրապարակախոս և քաղաքական վերլուծաբան,Սերհատ Քոյունջուն՝ հասարակական գործիչ, Միքայիլ Այըլդըզը՝ գրող և հետազոտող, Ահի Արաթօղլուն՝ գրող, հետազոտող, բանաստեղծ և սոցիոլոգ, Մուհարեմ Չավուշը՝ Թուրքիայի իշխող Արդարություն ու զարգացում կուսակցության երիտասարդական թևի նախագահ Բողազիչիում (2020-2025), Ֆաթիհ Էրբաքանը՝ Յենիդեն Ռաֆահ կուսակցության նախագահ, Յահյա Ուգրաշը՝ HÜDA PAR կուսակցության փոխնախագահ, Այդըն Բինբողան՝ տնտեսագետ և քաղաքական գործիչ, Հաքը Էրենը՝ լրագրող Köklü Değişim-ում, Սաիթ Սեյիթօղլուն՝ Բաթմանի HÜDA PAR կուսակցության ֆինանսական և վարչական հարցերի բաժնի ղեկավար, Մեհմեթ Բոյնկուալընը՝ Մարմարայի համալսարանի աստվածաբանության պրոֆեսոր և Այա Սոֆիայի իմամ-խաթիբ, Օկան Այթասը՝ լրագրող, Finansopia Medya ընկերության սեփականատեր, Մերթ Արմագանը՝ լրագրող, Յաշար Յավուզը՝ լրագրող Yeni Şafak, Diriliş Postası, Referans լրատվամիջոցներում, Ահմեդ Սիրրի Արվասը՝ բանաստեղծ, լրագրող, գրող, Յուսուֆ Կապլանը՝ գրող, լրագրող, Էրդինչ Թեգմենը՝ Erte Medya-ի սեփականատեր, Ահմեդ Չաքարը՝ սպորտային մեկնաբան, ֆուտբոլի նախկին մրցավար, Խալիլ Աթակնը՝ աստվածաբան, Իսմայիլ Քըլըչարսլանը՝ լրագրող, Մուրատ Շահինը՝ Akit TV-ի հաղորդավար, Իրֆան Քայա Ուլգերը՝ Akit TV-ի հաղորդումների հաղորդավար, Ֆաթիհ Դաղսթանլըն՝ Akit TV-ի հաղորդավար, Օմեր Ուլութաշը՝ Թոփրակ կուսակցության նախագահ, Օմեր Ֆարուք Գերգերլիօղլուն՝ խորհրդարանի անդամ ընդդիմադիր քրդամետ DEM կուսակցությունից։

Ավելի վաղ Ադրբեջանի Գլխավոր դատախազությունը միջազգային հետախուզում էր հայտարարել Թուրքիայում բնակվող և գործունեություն ծավալող յոթ անձի նկատմամբ՝ Ադրբեջանում իշխանությունը բռնի զավթելու հրապարակային կոչերի գործով։

Թարգմանությունը՝ Էմմա Չոբանյանի