26.04.2026 | 14:53
«Հայաստանը՝ աշխարհի ամենաանվտանգ երկրների շարքում. մեծամասշտաբ միջոցառումներն անցել են առանց միջադեպերի». ՆԳՆ
Թուրքիայում ԻՊ-ի հետ առնչություն ունենալու մեղադրանքով օտարերկրացիներ են բերման ենթարկվել
Քաղաքականություն
03.08.2018 | 19:41
Թուրքիայի ոստիկանության ահաբեկչության դեմ պայքարի բաժնի աշխատակիցները Ստամբուլի նահանգում միաժամանակ մի քանի գործողություններ են իրականացրել. փոխանցում է ermenihaber-ը:
Ստամբուլի 6 շրջաններում իրականացված գործողությունների հետևանքով բերման է ենթարկվել 38 մարդ, ովքեր կասկածվում են «Իսլամական պետություն» ահաբեկչական կազմակերպության անդամ լինելու մեջ։ Բերման ենթարկվածները օտարերկրյա քաղաքացիներ են։
Լրատվամիջոցի փոխանցմամբ` նրանց տներում հայտնաբերվել է ԻՊ-ի հետ առնչություն ունեցող մի շարք փաստաթղթեր և տեսանյութեր։
Գործի շրջանակներում տարվող հետաքննությունը շարունակվում է։
Հիշեցնենք, որ բացի ԻՊ-ից Թուրքիայում ահաբեկչական է համարվում նաև «Քուրդիստանի բանվորական կուսակցությունը» (ՔԲԿ-PKK) և գյուլենական համայնքը։
