15.12.2025 | 13:02
Ռոստովի մարզը ենթարկվել է ԱԹՍ-ների զանգվածային հարձակման. վնասվել են էլեկտրահաղորդման գծեր և բնակելի տներ. ՏԵՍԱՆՅՈՒԹ
Իշխանափոխության ձախողված փորձեր, հանուն Արցախի ակցիաներ․ 2023-ի քաղաքական ստվերը․ ՏԵՍԱՆՅՈՒԹ
Քաղաքականություն
03.01.2024 | 18:02
2023-ի որոշ օրերի մայրաքաղաքը հիշեցնում էր դրվագներ 2018-ից, երբ փակվում էին տարբեր փողոցներ և բազմամարդ ակցիաներ էին իրականացվում։ Սեպտեմբերի 19-ին Արցախում սկսված ռազմական գործողություններին զուգահեռ՝ բազմաթիվ քաղաքացիներ հավաքվել էին Կառավարության շենքի մոտ և բողոքի գործողություններ սկսել․ իշխանափոխության օրակարգով ձևավորված «Ազգային կոմիտեն», սակայն, կարճ կյանք ունեցավ։
Ստեփանակերտում արցախցիները ևս իրենց բողոքի ձայնն էին բարձրացնում՝ փորձելով միջազգային հանրության ուշադրությունը հրավիրել խնդրի վրա և պահանջելով ռուս խաղաղապահներից՝ կատարել եռակողմ հայտարարությամբ ստանձնած պարտավորությունները։ Ստեփանակերտի Վերածննդի հրապարակում հանրահավաքներ էին կազմակերպվում, իսկ արցախցի ակտիվիստներն անգամ փորձել էին արգելափակել խաղաղապահների՝ Իվանյանում գտնվող բազան։
Բողոքի ակցիաներ անցկացվեցին նաև ՌԴ դեսպանատան մոտ՝ Արցախի ապաշրջափակման պահանջով։ Հավաքվածները նաև հստակ գործողություններ էին ակնկալում ռուս խաղաղապահներից, պահանջում քայլեր ձեռնարկել հումանիտար օգնությունն Արցախ հասցնելու ուղղությամբ։ Բողոքավորների ձայնն այդպես էլ չլսված մնաց։
ՀՀ ԱԺ «Պատիվ ունեմ» խմբակցության պատգամավոր Թագուհի Թովմասյանը ստորագրահավաք սկսեց՝ «Ո՛չ Արցախի էթնիկ զտմանը, պահանջում ենք հանել անցակետը» կարգախոսով։
Հետագայում ստորագրահավաքը վերաճեց «Հայաքվե» նախաձեռնության․ Արցախն Ադրբեջանի մաս ճանաչելը քրեականացնող նախագիծը հասավ ԱԺ, բայց չմտավ լիագումար նիստերի օրակարգ։
Մանրամասները՝ տեսանյութում։
Արփի Հակոբյան
