07.10.2026 | 10:00
Ազգային ժողովի նիստը՝ ՈՒՂԻՂ
ՌԴ ու Իրանի ԱԳ նախարարները քննարկել են տարածաշրջանային հարցեր
Քաղաքականություն
22.12.2023 | 19:10
Ռուսաստանի արտգործնախարար Սերգեյ Լավրովն Իրանի արտգործնախարար Հոսեյն Ամիր Աբդոլլահյանի հետ հեռախոսով քննարկել է տարածաշրջանային օրակարգը և երկու երկրների նախագահների միջև դեկտեմբերի 7-ի բանակցությունների պայմանավորվածությունների կատարման ընթացքը։ Այս մասին ՏԱՍՍ-ի փոխանցմամբ՝ ասվում է ՌԴ ԱԳՆ հաղորդագրության մեջ։
«Քննարկվել են տարածաշրջանային և երկկողմ օրակարգի մի շարք արդիական հարցեր՝ դեկտեմբերի 7-ին Մոսկվայում կայացած ռուս-իրանական բարձր մակարդակի բանակցությունների ընթացքում ձեռք բերված պայմանավորվածությունների կատարման համատեքստում»,- նշել են դիվանագիտական գերատեսչությունում։ Նախարարները նաև համաձայնեցրել են առաջիկա շփումների ժամանակացույցը։
Դեկտեմբերի 7-ին Կրեմլում կայացել էին Ռուսաստանի նախագահ Վլադիմիր Պուտինի և Իրանի նախագահ Իբրահիմ Ռայիսիի բանակցությունները․ հանդիպումը տևել էր ավելի քան հինգ ժամ։ Կողմերը քննարկել էին ինչպես երկկողմ հարաբերությունները, այնպես էլ միջազգային օրակարգին առնչվող թեմաներ։
