25.11.2024 | 18:25
Խորտակված նավի վրա ՀՀ քաղաքացիներ չեն եղել. ԱԳՆ
Ադրբեջանը հայտնում է զինծառայողի կորստի մասին
Քաղաքականություն
19.12.2023 | 23:04
Ադրբեջանի Պետական սահմանապահ ծառայության զինծառայող է մահացել։ Ադրբեջանական լրատվամիջոցներին ծառայությունից հայտնել են, որ այսօր «Գուբադլի» սահմանապահ զորքերի առանձին սահմանապահ բաժնի զինծառայող Խասրաթով Խայալի վիճակը կտրուկ վատացել է։
Զինծառայողին ցուցաբերվել է առաջին օգգնություն, նա անմիջապես հոսպիտալացվել է, սակայն, չնայած բժիշկների ջանքերին, նրա կյանքը փրկել չի հաջողվել։
Նշանակվել են համապատասխան բժշկական հետազոտություններ՝ պարզելու շարքային զինծառայողի մահվան պատճառը։
Դեպքի առթիվ դատախազության և Պետական սահմանային ծառայության կողմից կատարվում են համատեղ քննչական գործողություններ։
Ավելի վաղ Կասպյան պաշտպանական հետազոտությունների ինստիտուտն իր զեկույցում ներկայացրել էր, որ 2023 թվականի 11 ամիսների ընթացքում Ադրբեջանի անվտանգության և պաշտպանության ոլորտի անդառնալի կորուստները կազմել են 258 մարդ։ Մարտական պայմաններում զոհվել է նրանցից 212-ը, մնացած 46 կորուստները մարտական չեն եղել։
Էմմա Չոբանյան
