18.03.2026 | 17:10
Ֆրանսիայում ՀՀ դեսպանը Սորբոն Նուվել համալսարանում ներկայացրել է Հայաստանի արտաքին քաղաքականության առաջնահերթությունները
Ադրբեջանը 2023թ․ 11 ամիսներին 258 զինվորի կորուստ է ունեցել․ զեկույց
Քաղաքականություն
27.11.2023 | 23:30
2023 թվականի 11 ամիսների ընթացքում Ադրբեջանի անվտանգության և պաշտպանության ոլորտի անդառնալի կորուստները կազմել են 258 մարդ։ Միևնույն ժամանակ, մարտական պայմաններում զոհվել է նրանցից 212-ը, մնացած 46 կորուստները մարտական չեն եղել։ Այս մասին հայտնում է Կասպյան պաշտպանական հետազոտությունների ինստիտուտը։
Ինստիտուտի տվյալներով՝ 208 զինվորական զոհվել է հայկական կողմի կրակոցներից, ևս 4-ը պայթել է ականների վրա։
Ինչ վերաբերում է ոչ մարտական կորուստներին, ապա ՃՏՊ-ների և այլ պատահարների հետևանքով զոհվել է 8 զինծառայող, 9-ը մահացել է տարբեր հիվանդություններից, 2-ը դարձել է ոչ կանոնադրական հարաբերությունների զոհ, 2-ը զոհվել է զինված հարձակումների հետևանքով, 1-ը մահացել է անզգուշության հետևանքով, 4-ը՝ դժբախտ պատահարների, ևս 20 զինվորական ինքնասպան է եղել։
Ինստիտուտի զեկույցի համաձայն՝ մահացածներից 126-ը ՊՆ զինծառայողներ են, 9-ը՝ պետական սահմանապահ ծառայության, 3-ը՝ ԱԻՆ, 17-ը՝ ներքին զորքերի, 1-ը՝ ռազմավարական օբյեկտների պահպանության, 1-ը՝ արդարադատության նախարարության, մեկը՝ թվային զարգացման և տրանսպորտի նախարարության ռազմական անվտանգության տնօրինության աշխատակիցներ:
Հաղորդվում է, որ մահացածներից 132-ը զինծառայողներ են եղել․ 50-ը՝ սպա, 44-ը՝ ժամկետային զինծառայող, 26-ը՝ ենթասպա, 3-ը՝ կուրսանտ։ Ինստիտուտին չի հաջողվել հաստատել ևս երեք զինծառայողի կոչումներ։
Մահվան դեպքերի մեծ մասը գրանցվել է սեպտեմբերին Արցախում Ադրբեջանի կողմից իրականացրած ռազմական ագրեսիայի ժամանակ։ Մահվան դեպքեր են գրանցվել նաև Հայաստանի հետ սահմանային շրջաններում, այդ թվում՝ Նախիջևանի Ինքնավար Հանրապետությունում։
Իսնտիտուտը նշում է, որ 11 ամսվա ընթացքում վիրավորված և հաշմանդամ դարձած զինծառայողների թիվը կազմել է 536։
Կասպյան պաշտպանական հետազոտությունների ինստիտուտը (Caspian Defense Studies Institute) որպես վերլուծական կենտրոն աշխատանքը սկսել է 2015 թվականի փետրվարին Գերմանիայում։
Էմմա Չոբանյան
