09.08.2026 | 18:10
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
Կադաստրի պետական կոմիտեն տրամադրել է անշարժ գույքի գնահատման որակավորման 16 վկայական
Հասարակություն
07.07.2017 | 18:15
2017 թ. առաջին եռամսյակում ՀՀ ԿԱ անշարժ գույքի կադաստրի պետական կոմիտե մուտքագրվել է 10797 դիմում և գրություն, որից 733-ը եղել են քաղաքացիների դիմումները:
Ինչպես տեղեկացրին ՀՀ ԿԱ Կադաստրի պետական կոմիտեի լրատվական ծառայությունից, հիշյալ ժամանակահատվածում կադաստրի պետական կոմիտեի գործունեության տարբեր ոլորտներին առնչվող հարցադրումներով և խնդիրներով կոմիտեի նախագահի, կոմիտեի նախագահի տեղակալների մոտ ընդունելության են ներկայացել 76 քաղաքացի:
2017 թ. առաջին կիսամսյակում կոմիտեն ստացել է անշարժ գույքի գնահատման գործունեության մասնագիտական որակավորման 67 հայտ: Հունվար-հունիս ամիսների ընթացքում ՀՀ ԿԱ ԱԳԿՊԿ կողմից տրամադրվել է անշարժ գույքի գնահատման որակավորման 16 վկայական, դադարեցվել է մեկի գործունեությունը: Նույն ժամանակահատվածում ՀՀ ԿԱ անշարժ գույքի կադաստրի պետական կոմիտեն ստացել է Հայաստանի Հանրապետության տարածքում քարտեզագրության, գեոդեզիայի, չափագրման (հաշվառման) և հողաշինարարության գործունեության մասնագիտական որակավորման ստուգման 12 հայտ և համապատասխանաբար տրամադրել 2 վկայական: Կադաստրի պետական կոմիտեում ստացված բոլոր դիմումներին, գրություններին և տեղեկություն ստանալու վերաբերյալ բոլոր հարցումներին ընթացք է տրվել օրենսդրությամբ սահմանված կարգով և ժամկետներում:
