24.11.2024 | 19:08
ՃՏՊ Դիմիտրով գյուղի մոտ. 3 անձ տեղափոխվել է հիվանդանոց
Մենք հիմա երեխաներին պատրաստում ենք ապագայի, որի մասին պատկերացում չունենք. ապաքաղաքական զրույց Դավիթ Սահակյանի հետ. ՏԵՍԱՆՅՈՒԹ
Հասարակություն
12.11.2023 | 21:02
Factor TV-ի A-politic հաղորդաշարի հյուրն է «Այբ» դպրոցի գործադիր տնօրեն Դավիթ Սահակյանը: Նրա կարծիքով՝ դասագրքերի խնդիրը, որի շուրջ այժմ բանավեճեր են գնում, թեև կարևոր է, բայց վճռորոշ չէ: Դասագիրքը պետք է դիտարկել որպես նյութերից մեկը, որից օգտվում է ուսուցիչն իր աշխատանքում:
«Լավ ուսուցիչը վատ դասագրքով կարող է արդյունքի հասնել, սակայն վատ ուսուցիչը լավ դասագրքով հաջողություն չի ունենա»,- ասում է դպրոցի տնօրենը:
Ինչպե՞ս որոշել, թե որ գիտելիքներն են երեխաներին անհրաժեշտ հետագա կյանքի համար: Ըստ հաղորդման հյուրի՝ դա բարդ խնդիր է: Հետագա տասնամյակների ընթացքում ի հայտ կգան այնպիսի մասնագիտություններ, որոնց մասին մենք պատկերացում չունենք: Սակայն միջնակարգ դպրոցում որոշ բազային գիտելիքներ տալը, այնուամենայնիվ, անհրաժեշտ է: Խնդիր կա, որ այդ գիտելիքներին տիրապետեն ուսուցիչները: Հենց դրան պետք է նպաստի կամավոր ատեստավորման ինստիտուտը: Թեև դա կատարյալ գործիք չէ, սակայն ինչ-որ չափով կարող է մոտիվացնել ուսուցիչներին՝ տիրապետելու իրենց առարկային:
Դավիթ Սահակյանը համոզված է, որ հետագայում նույնպես գայություն են ունենալու համալսարաններ, որոնք նպատակը ոչ թե դիպլոմներ տալը կլինի, այլ միջավայր ստեղծելը: Այդ միջավայրում համակարգված գիտելիքներ ստանալը, որոշակի կամային և բարոյական որակներ դրսևորելը ուսանողների համար կդառնա կարևորագույն փուլ՝ հետագա գործունեության համար:
Մանրամասները տեսանյութում:
Արամ Աբրահամյան
