Քաղաքականություն
04.11.2023 | 20:50
Ազգային անվտանգության ծառայության նախկին տնօրեն Արթուր Վանեցյանի եղբորը՝ Կարեն Վանեցյանին, երկու ամսով կալանավորելու միջնորդությունը բավարարվել է։ Այս մասին Factor․am-ին տեղակացրեց գլխավոր դատախազի խորհրդական Լուսինե Մարտիրոսյանը։
Նշենք` խափանման միջոցն այս պահին կիրառելի չէ, քանի որ նախաքննության ընթացքում ԱԱԾ տնօրենի եղբոր գտնվելու վայրը պարզել հնարավոր չի եղել։
Հիշեցնենք, որ այսօր առավոտյան Գլխավոր դատախազությունը հաղորդագրություն էր տարածել այն մասին, որ Կարեն Վանոցյանը, հանդիսանալով Կիպրոսի Հանրապետությունում գրանցված՝ ՀՀ ոչ ռեզիդենտ կազմակերպության իրական շահառու, նշված կազմակերպության միջոցով 2018 թվականի հուլիսի 23-ին ձեռք է բերել և տնօրինել «Զանգեզուրի պղնձամոլիբդենային կոմբինատ» ՓԲ ընկերության 12.5 տոկոս բաժնետոմսերը: Նշված՝ հանցավոր ճանապարհով ստացված 12.5 տոկոս բաժնետոմսերը, փաստացի պատկանել են 2013-2018 թվականների ընթացքում Սուրբ Աթոռում ՀՀ արտակարգ և լիազոր դեսպանի պաշտոնը զբաղեցրած Միքայել Մինասյանին և գրանցված եղել «Զանգեզուր Մայնինգ» ՍՊ ընկերության անվամբ:
Դատախազը 2023 թվականի նոյեմբերի 1-ին հանրային քրեական հետապնդում է հարուցել Կարեն Վանեցյանի նկատմամբ. մեղադրանքը՝ փողերի լվացում:
Ռոզա Վարդանյան
