28.11.2024 | 23:27
Վրաստանում ցուցարարները շարժվում են դեպի խորհրդարան
Թուրքիայի օդուժը հրթիռակոծել է քուրդ զինյալների դիրքերը
Քաղաքականություն
23.07.2018 | 22:41
Հունիսի 21-22-ը Թուրքիայի ռազմաօդային ուժերը հրթիռակոծել են «Քուրդիստանի բանվորական կուսակցության» (ՔԲԿ-PKK) զինյալների դիրքերը. փոխանցում է ermenihaber-ը:
Օպերացիաներն իրականացվել են Թուրքիայում և Իրաքում:
Ըստ Թուրքիայի զինված ուժերի գլխավոր շտաբի տրամադրած տեղեկատվության՝ հրթիռակոծություններն իրականացվել են Թուրքիայի Հաքքարի, Էրզինջան (պատմ. Երզնկա) նահանգներում, ինչպես նաև Հյուսիսային Իրաքի Ավաշին-Բասյան շրջանում։ Այդ գործողությունների հետևանքով սպանվել է ընդհանուր 11 քուրդ գրոհային։
Հիշեցնենք, որ «Քուրդիստանի բանվորական կուսակցությունը» հիմնադրվել է 1978թ. նոյեմբերի 27-ին Թուրքիայի Դիարբեքիր նահանգում: Կուսակցության հիմնադիրը Աբդուլլահ Օջալանն է: Նա այժմ ցմահ ազատազրկված է Թուրքիայի Իմրալը կղզու բանտում։ PKK-ն Թուրքիայում համարվում է ահաբեկչական կազմակերպություն:
