18.12.2025 | 22:49
Համբերությունը սպառվում է. Թուրքիան զգուշացրել է Սիրիայի քրդական ուժերին
Երևանում է ԱՄՆ պետքարտուղարի տեղակալ Յուրի Քիմի գլխավորած պատվիրակությունը
Քաղաքականություն
25.09.2023 | 13:22
Այսօր Հայաստան կժամանեն ԱՄՆ վարչակազմի բարձրաստիճան պաշտոնյաներ ԱՄՆ պետքարտուղարի տեղակալի պաշտոնակատար Յուրի Քիմը և USAID-ի ղեկավար Սամանթա Փաուերը։ Այս մասին գրում է Reuters-ը՝ հավելելով, որ Փաուերը USAID-ի առաջին ղեկավարն է, որը կժամանի Հայաստան։
Factor.am-ի տեղեկություններով՝ ամերիկյան պատվիրակությունն արդեն ժամանել է Երևան։
«Բայդենի վարչակազմի բարձրաստիճան պաշտոնյաները երկուշաբթի մեկնելու են Հայաստան։ Այս մասին հայտնել է ամերիկացի պաշտոնյա՝ այն իրավիճակի ֆոնին, որ Լեռնային Ղարաբաղից էթնիկ հայերը զանգվածային արտագաղթ են սկսել։
Ըստ հրապարակման՝ ԱՄՆ Միջազգային զարգացման գործակալության ղեկավար Սամանթա Փաուերի և պետքարտուղարի Եվրոպայի և Եվրասիայի հարցերով օգնականի պաշտոնակատար Յուրի Քիմի այցը կլինի ԱՄՆ բարձրաստիճան պաշտոնյաների առաջին այցը Հայաստան անցյալ շաբաթվա հրադադարից հետո:
Աղբյուրն ասել է, որ Փաուերը կհանդիպի կառավարության բարձրաստիճան պաշտոնյաների հետ և «կհաստատի ԱՄՆ-ի աջակցությունը Հայաստանի ժողովրդավարությանը, ինքնիշխանությանը, անկախությանը և տարածքային ամբողջականությանը, ինչպես նաև Լեռնային Ղարաբաղից բխող մարդասիրական կարիքները լուծելու հանձնառությունը»։
Փաուերը կլինի USAID-ի առաջին ղեկավարը, որը ժամանում է Հայաստան։ Նա հաստատելու է ԱՄՆ-ի գործընկերությունը երկրի հետ և իր մտահոգությունը կհայտնելի Լեռնային Ղարաբաղի էթնիկ հայ բնակչության վիճակի առնչությամբ և կքննարկի այնտեղ հումանիտար ճգնաժամը կարգավորելու միջոցները։
«Միացյալ Նահանգները խորապես անհանգստացած է Լեռնային Ղարաբաղում հումանիտար պայմանների մասին զեկույցներով և կոչ է անում ապահովել միջազգային մարդասիրական կազմակերպությունների անարգել մուտքը և առևտրային երթևեկությունը»,- լրատվամիջոցի հետ զրույցում ասել է աղբյուրը։
