25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Թուրքիայից ավելի քան 100 իրապաշտպաններ դիմել են միջազգային կազմակերպություններին՝ Արցախին աջակցելու համար
Քաղաքականություն
22.09.2023 | 19:27
Թուրքիայից 123 իրավապաշտպաններ դիմել են միջազգային կազմակերպություններին՝ Արցախին օգնություն ցուցաբերելու համար։
«Մենք կոչ ենք անում միջազգային կազմակերպություններին, հատկապես ՄԱԿ-ին և միջազգային հանրությանը, ակտիվ դիրքորոշում ցուցաբերել»,- ասվում է համատեղ հայտարարության մեջ։
Պահանջվում է նաև շտապ մարդասիրական օգնություն և օդային փոխադրումներ իրականացնել՝ տարածաշրջանում արգելափակված խաղաղ բնակիչներին անվտանգ վայրեր տարհանելու համար։
«Ադրբեջանական բռնապետության միակ նպատակը հայկական գոյությանը վերջ տալն է իր կողմից հաստատված ինքնիշխանության սահմաններում։ Ինչպես Նախիջևանի ժառանգությունից ոչ մի քար չթողնվեց Ջուղայի հայկական գերեզմանոցում, հիմա էլ Ղարաբաղը՝ ցանկանում է վերացնել հայկական ներկայությունը Արցախում։ Մենք՝ Թուրքիայից ներքոստորագրյալներս, տեսնում ենք, որ միջազգային հանրությունը երբեք բավականաչափ զգայուն չի եղել զարգացումների նկատմամբ և մտահոգությամբ ենք հետևում իրավիճակին։ Եվ մենք կրկնում ենք՝ կանխել ցեղասպանությունները՝ չի նշանակում սպասել դրանց կատարմանը, հետո միջամտել։ Դա նշանակում է ակտիվորեն փորձել կանխել ցեղասպանությունը»,- ասվում է իրավապաշտպանների հայտարարության տեքստում։
Էմմա Չոբանյան
