Քաղաքականություն
18.09.2023 | 18:03«Ես նախկին իշխանության մաս չեմ կազմել»,- այս մասին այսօր հրավիրված ասուլիսում հայտարարեց «Մայր Հայաստան» դաշինքնի՝ Երևանի քաղաքապետի թեկնածու Անդրանիկ Թևանյանը։
Նրա խոսքով՝ Երևանի ավագանու ընտրություններին մասնակցող բոլոր ուժերը կա՛մ ներկա, կա՛մ նախկին իշխանավոր են՝ բացի «Մայր Հայաստան» դաշինքից։
«Ես ո՛չ նախկին, ո՛չ էլ առավել ևս ներկա իշխանության մաս չեմ կազմել։ «Մայր Հայաստան» դաշինքնում հավաքված են մարդիկ, ովքեր ռադիկալ ընդդիմություն են Նիկոլ Փաշինյանին։
Երկրորդ՝ հանրությունն իր քվեով մեզ տվել է ուղերձ՝ իշխանազրկում ապահովել Երևան քաղաքում, և մենք ընդունում ենք այդ ուղերձը»,,- նշեց Թևանյանը։
Նա նաև հավելեց, որ «Մայր Հայաստան» դաշինքը պատրաստ է քննարկել համագործակցության բոլոր ձևաչափերը այն պարագայում, եթե քաղաքական ուժերը կիսում են իրենց մոտեցումները, համաձայն են ամբողջական իշխանափոխության ծրագրի հարցում։
Մանրամասները՝ տեսանյութում։
