04.06.2026 | 17:46
Ալեքսան Ալեքսանյանին օժանդակելու գործով 25 անձ ձերբակալվել է․ ՔԿ
Հայաստանի հետ հանդիպումից հետո Թուրքիայի ֆուտբոլի հավաքականի մարզիչը հեռացվել է
Քաղաքականություն
18.09.2023 | 14:08
Թուրքիայի ֆուտբոլի ազգային հավաքականի գլխավոր մարզիչ, գերմանացի մասնագետ Շտեֆան Կունցը հեռացվել է պաշտոնից։ Թեև այս մասին պաշտոնական հայտարարություն չի արվել, սակայն թուրքական լրատվամիջոցները հայտնում են, որ Կունցը պաշտոնանկ է արվել։
Հիշեցնենք, որ Եվրո-2024-ի շրջանակում սեպտեմբերի 8-ին Թուրքիայի ընտրանին Էսքիշեհիրում 1-1 հաշվով ավարտեց Հայաստանի հավաքականի հետ հանդիպումը, ինչը հարուցել է թուրք երկրպագուների, ինչպես նաև պաշտոնյաների դժգոհությունը։ Թուրքիան պարտությունից խուսափեց խաղի վերջնամասում խփած գոլի շնորհիվ։ Այնուհետև ընկերական խաղում Թուրքիան 4-2 հաշվով պարտվեց Ճապոնիայի ընտրանուն։
Թուրքիայի ֆուտբոլի ֆեդերացիայի նախագահ Մեհմեդ Բույուքեքշին ասել է, որ «Կունցը կրակել է իր իսկ ոտքին»։
Ստեֆան Կունցը Թուրքիայի ազգային հավաքականի գլխավոր մարզիչ էր նշանակվել 2021 թվականի սեպտեմբերի 19-ին։ Ավելի վաղ նա զբաղեցնում էր Գերմանիայի Մ21 հավաքականի մարզչի պաշտոնը։ Նա երկու անգամ հաղթել է ՈՒԵՖԱ-ի մինչև 21 տարեկանների Եվրոպայի առաջնությունում։
Էմմա Չոբանյան
