18.12.2025 | 23:24
ՀՀ տարածքում ավտոճանապարհները հիմնականում անցանելի են
Վանա լիճը ցամաքում է, լճի տեսքը փոխվել է․ ԼՈՒՍԱՆԿԱՐՆԵՐ
Քաղաքականություն
15.09.2023 | 21:59
Վանա լճում ջրի մակարդակը զգալիորեն անկում է ապրել տեղումների նվազման և արագ գոլորշիացման պատճառով: Ներկայիս Թուրքիայի տարածքում գտնվող ամենամեծ լճի ափերը հարյուրավոր մետրերով նահանջել են՝ երկարաժամկետ ազդեցություն թողնելով էկոհամակարգի վրա։
Երաշտի հետևանքով լճի առափնյա գծի փոփոխություններն ակնհայտ են նույնիսկ արբանյակային լուսանկարներից:
Վանի Յուզունջու Յըլի համալսարանի ձկնորսության ֆակուլտետի դասախոս, դոկտոր Մուսթաֆա Աքքուշը համեմատել է արբանյակային պատկերները երկու տարի առաջվա լուսանկարների հետ, որոնք արվել են՝ օգտագործելով NASA-ի Landsat-ի և Եվրոպական տիեզերական գործակալության Sentinel-2 արբանյակների տվյալները: Վերջին արբանյակային պատկերները հստակ ցույց են տալիս բազմաթիվ տարածքներ, որոնք ժամանակին ջրի տակ են եղել, իսկ հիմա վերածվել են ցամաքի:
Աքքուշը հայտնել է, որ արբանյակային պատկերների համաձայն՝ Վանա լճի ձևը քարտեզների վրա որոշ տարածքներում փոխվել է երաշտի հետևանքով առաջացած անկման պատճառով։ Նա նշել է, որ մոտավորապես 10-15 քառակուսի կիլոմետր տարածք դարձել է ցամաքային։
Էմմա Չոբանյան
