17.12.2025 | 13:16
Բեռլիոզի «Ռեքվիեմ»-ը՝ Հայաստանի ազգային ակադեմիական երգչախմբի կատարմամբ
Ժամանակին նախարար Արսեն Թորոսյանին չէին հետաքրքրում մրցակցությունն ու բիզնես շահը. Բադալյան․ ՏԵՍԱՆՅՈՒԹ
Քաղաքականություն
11.09.2023 | 15:55
Նախատեսվում է օրենքի 44-րդ հոդվածի երկրորդ մասը լրացնել նոր նախադասությամբ, այն է՝ «Պետական բյուջեի միջոցների հաշվին իրականացվող բնակչության առողջության պահպանման և բարելավման ծրագրերի շրջանակում պետության կողմից երաշխավորված անվճար և արտոնյալ պայմաններով բժշկական օգնության և սպասարկման դեպքերում մատուցվող նորագույն և թանկարժեք տեխնոլոգիաների կիրառմամբ բժշկական ծառայությունների համար օգտագործվող ներպատվաստվող (իմպլանտացվող) բժշկական արտադրատեսակների ձեռքբերումն իրականացվում է արտադրողի կողմից տրվող համապատասխանության հավաստագրի, այսինքն՝ ավտորիզացիոն նամակի և ծագման սերտեֆիկատի առկայության դեպքում. այս մասին ԱԺ հերթական նիստի ընթացքում ընդգծեց Լուսինե Բադալյանը՝ իր և Նարեկ Զեյնալյանի հեղինակած ««Բնակչության բժշկական օգնության և սպասարկման մասին» օրենքում լրացում կատարելու մասին» օրենքի նախագծի մասին զեկուցման ընթացքում:
Ըստ պատգամավորի՝ «Պետական գնումների մասին» օրենքով առաջնորդվելով՝ տենդեր հայտարարելիս հիմնականում հաղթում է այն կազմակերպությունը, որն առաջարկում է ամենամատչելի ծառայությունը, սակայն միշտ չէ, որ մատչելին որակի հետ համադրելի է լինում:
«Մրցակցության պարագայում պետությունը, պետական գնումներն ու հասարակությունը տուժում են, և որպեսզի կարողանանք ե՛ւ որակը բարձր պահել, ե՛ւ երաշխավորել պետական պատվերի շրջանակում քաղաքացիներին մատուցվող առողջապահական ծառայությունների որակն ու հուսալիությունը, նախագծով պահանջում ենք համապատասխանության համապատասխան հավաստագիր ու ծագման սերտեֆիկատ»,- նշեց նախագծի համահեղինակը:
Արսեն Թորոսյանի գնահատմամբ՝ ՔՊ-ական պատգամավորների բերած նախագիծը հակամրցակցային և խտրական։
«Ժամանակին նախարար Արսեն Թորոսյանին չէին հետաքրքրում մրցակցությունն ու բիզնես շահը, ինչը ողջունելի էր։ Այսօր առողջապահության որակի և ծառայությունների համար պայքարի ընթացքում լսել կարծիք, որ մենք որևիցե մեկի բիզնեսին վնաս ենք պատճառում, ազատ մչցակցային պայմաններ չենք ստեղծում, առնվազն տարօրինակ է, այն դեպքում, երբ նախագծով միանման չափանիշ է ներդրվում և այդ չափանիշի շրջանակներում է լինելու»,- նշեց Բադալյանը՝ կոչ անելով մարդկանց առողջության մասին մտածելը դնել առաջնային դիրքերում։
Մանրամասները՝ տեսանյութում։
