21.04.2026 | 13:13
Թրամփը հայտարարել է, որ Իրանից ուրանի դուրսբերումը «երկար և դժվար գործընթաց կլինի»
Մանկավարժները պարտավոր կլինեն խթանել բոլոր սովորողների ակտիվ մասնակցությունը․ ՏԵՍԱՆՅՈՒԹ
Հասարակություն
11.09.2023 | 12:45
«Հանրակրթության մասին օրենքում լրացումներ և փոփոխություններ կատարելու մասին օրենքի նախագիծը նպատակ ունի նպաստելու ներառական կրթության իրականացմանը։ Ներկայացնելով նախագիծը՝ այս մասին նշեց «Քաղաքացիական պայմանագիր» խմբակցության պատգամավոր Զարուհի Բաթոյանը։
Պատգամավորը հիշեցրեց, որ ՀՀ կրթական համակարգը որդեգրել է համընդհանուր ներառական կրթության ապահովման քաղաքականությունը․ «Ինչը ենթադրում է ոչ միայն կրթական ծրագրերի և մեթոդաբանության առկայություն, այլ նաև այնպիսի միջավայրի, որտեղ ապահովված է յուրաքանչյուր երեխայի կրթության մատչելիությունը, հավասար հնարավորությունները և այլն»։
«Ներառական կրթությունը ենթադրում է նաև ծնողների հետ սերտ համագործակցություն։ Այն երկրներում, որտեղ հաջողվել է ներառական կրթությունը, շատ ակտիվ են հատկապես սովորողների ծնողական խմբերը։ Այս փորձը կա նաև Հայաստանում․ բազմաթիվ ծնողական խմբեր կան, որոնք աջակցում են երեխաների կրթական գործընթացին։ Սակայն այս գործընթացներն օրենքով ամրագրված չեն, առաջարկվում է համապատասխան օրենսդրական փոփոխություն իրականացնել, վերանայել մանկավարժների և սովորողների ծնողների իրավունքները և պարտականությունները։
Մասնավորապես առաջարկում եմ ամրագրել, որ մանկավարժները պարտավոր են խթանել բոլոր սովորողների ակտիվ մասնակցությունը, այդ թվում՝ նաև արտադպրոցական միջոցառումներում, և խտրականությունից զերծ միջավայր ապահովել։
Բացի դրանից՝ սահմանել դպրոցում կրթության առանձնահատուկ պայմանների կարիք ունեցողների ծնողների փոխօգնության խումբ ստեղծելու իրավունք՝ ծնողների ու մանկավարժների հետ արդյունավետ փոխգործակցության համար»- նշեց պատգամավորը։
Մանրամասները՝ տեսանյութում։
