13.06.2026 | 16:20
Որոշ շրջաններում սպասվում են հորդառատ անձրևներ. առաջիկա օրերի եղանակի կանխատեսումը
Թույն չենք արտադրելու, ատոմական ռումբ չի պայթելու․ «ARMOIL»-ի տնօրենը՝ ընկերության դեմ ծավալված բողոքի ակցիաների մասին․ ՏԵՍԱՆՅՈՒԹ
Տնտեսություն
17.07.2018 | 16:12
Եղվարդ քաղաքում գործող «ARMOIL» ընկերության գործարկումը նպատակ ունի զարկ տալ Հայաստանի տնտեսությանը՝ չնայած այն հանգամանքին, որ խոչընդոտում են այդ ընկերության գործունեությանը։ Այս մասին այսօր հրավիրված մամուլի ասուլիսի ժամանակ ասաց ընկերության տնօրեն Ալֆրեդ Աբեդին՝ նշելով, որ մինչև 2017 թվականը ընկերությունը ստեղծված խոչընդոտների պատճառով չէր գործում և միայն վերջերս սկսել է կրկին զբաղվել քսայուղերի և բիտումի արտադրությամբ։
Անդրադառնալով «ARMOIL» ընկերության գործարկումից դժգոհող և բողոքի ակցիաներ իրականացնող Եղվարդ քաղաքի Նատի թաղամասի բնակիչների բարձրացրած խնդրին՝ Ալֆրեդ Աբեդին նշեց, որ հանդիպել է թաղամասի բնակիչների հետ, բացատրել նրանց, որ այս գործարանը նավթի մշակմամբ չի զբաղվում: «Ես ասում եմ՝ մեր գործարանում 3000 քառակուսի մետր կանաչապատ տարածք կա, որի վրա 100 հազար դոլարի չափով գումար է ծախսվել։ Այդ որ ներդրողը մի երկրում կանի 30 մլն դոլարի ներդրում, հետո դա կպայթեցնի։ Լրիվ մանրամասն բացատրել եմ բնակիչներին և ասել եմ, որ այստեղ թույն չենք արտադրելու և ատոմական ռումբ չի պայթելու»,- ասաց Ալֆրեդ Աբեդին։
Խոսելով «ARMOIL» ընկերության դեմ կազմակերպվող ակցիաների մասին՝ Ալֆրեդ Աբեդին նշեց, որ բողոքի ակցիա կազմակերպողները մոռացել են, որ ժողովրդին սպառնալիքով փողոց դուրս չեն հանում, իսկ բողոքող քաղաքացիներից շատերն էլ չգիտեն՝ ինչի համար են ակցիային մասնակցում, հետևաբար պատճառն, ըստ տնօրենի, այլ տեղ պետք է փնտրել։
Մանրամասները՝ տեսանյութում։
