15.09.2026 | 23:00
Թրամփը հայտարարել է, որ TRIPP-ը մեծ առավելություն է տալիս Թեհրանի հետ հարաբերություններում․ The Hill
Բրիտանական դատարանը բռնագրավել է Ուզբեկստանի նախկին նախագահի դստեր ունեցվածքը
Քաղաքականություն
09.08.2023 | 22:10
Լոնդոնի Գերագույն դատարանը որոշում է կայացրել Մեծ Բրիտանիայում բռնագրավել երեք շքեղ անշարժ գույք, որոնք պատկանել են Ուզբեկստանի առաջին նախագահ Իսլամ Քարիմովի ավագ դստերը՝ Գուլնարա Քարիմովային։ Այս մասին հայտնել է Fergana գործակալությունը՝ հղում անելով առանձնակի խոշոր չափերով խարդախության դեմ պայքարի բյուրոյին (Serious Fraud Office, SFO), փոխանցում է EADaily-ն։
Գործակալության տվյալներով՝ խոսքը Բելգրավիայում՝ Լոնդոնի էլիտար տարածքում երկու բնակարանների և Սուրեյում գտնվող առանձնատան մասին է։ Առգրավված գույքի ընդհանուր արժեքը գնահատվում է 20 մլն ֆունտ (25,6 մլն դոլար):
SFO-ն ընդգծել է, որ գույքը ձեռք է բերվել կոռուպցիոն գործունեության արդյունքում. 2004-2012 թվականներին Քարիմովան հարյուրավոր միլիոն դոլարների կաշառք է ստացել հեռահաղորդակցության ընկերություններից՝ Ուզբեկստանի շուկա մուտք գործելու հնարավորության դիմաց:
«Մենք բացահայտել ենք բարդ ֆինանսական հետք, ներառյալ մի քանի օֆշորային հաշիվներ և ընկերություններ, որպեսզի այսօր վերահսկենք այդ գույքը: Այս որոշումը քայլ առաջ է մեր գործում և Միացյալ Թագավորությունը կեղտոտ փողերից ազատելու մեր շարունակական ջանքերում»,- ասել է SFO-ի տնօրեն Լիզա Օսոֆսկին։
