14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Թուրքիայում հարձակում է տեղի ունեցել Շվեդիայի հյուպատոսարանի վրա
02.08.2023 | 12:32
Թուրքիայի Իզմիր քաղաքում զինված տղամարդը կրակ է բացել Շվեդիայի պատվո հյուպատոսության վրա։ Այս մասին հայտնել են տեղի իշխանությունները։ Թուրքական լրատվամիջոցների հաղորդմամբ՝ մեկ մարդ ծանր վիրավորվել է։
Նշվում է, որ հարձակումը տեղի է ունեցել թուրքական ժամանակով 12։45-ին։ ԶԼՄ-ները հաղորդում են, որ վիրավորը պատվավոր հյուպատոսության կին աշխատակցուհի է։ Նրան ծանր վիճակում տեղափոխել են հիվանդանոց։
Հարձակվողին բռնել են, երբ նա փախչելիս է եղել դեպքի վայրից։ Թեև այս հարձակումը տեղի է ունեցել Շվեդիայում և Դանիայում վերջին մի քանի շաբաթների ընթացքում Ղուրանի այրման ու դրա դեմ բողոքի ցույցերի ֆոնին, սակայն ըստ որոշ տեղեկությունների՝ տղամարդը օտարերկրյա քաղաքացի է և, հնարավոր է, որ հարձակումն իրականացրել է վիզայի համար իր դիմումի մերժման պատճառով։
