16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
ՌԴ ԱԴԾ-ն արգելել է Թուրքիայից եկող բեռնատար նավերից մեկի անցումը Կերչի նեղուցով
24.07.2023 | 12:06
ՌԴ ԱԴԾ աշխատակիցներն արգելել են Կերչի նեղուցով անցնել բեռնատար մի նավի, որի վրա պայթուցիկի հետքեր են հայտնաբերվել, գրում է Meduza-ն։ Անվտանգության դաշնային ծառայութան հաղորդմամբ՝ «ահաբեկչական և դիվերսիոն գործողությունները կանխելու նպատակով հսկողության և ստուգման միջոցառումների համալիր» է անցկացվում Կերչի նեղուցով նավարկվող նավերի վրա։
Գերատեսչությունը պնդում է, որ հուլիսի 22-ին Թուրքիայից Դոնի Ռոստովի նավահանգիստ շարժվող նավում, «հայտնաբերվել են դինիտրոտոլուոլի և տետրիլ պայթուցիկ նյութերի հետքեր»։
Նշվում է, որ նավը մայիսին եղել է ուկրաինական Օդեսայի շրջանի Կիլիյա նավահանգստում, ապա հուլիսին թուրքական Տուզլա նավահանգստում բեռնատար նավի անձնակազմն ու անունը փոխվել են։
Նավի անձնակազմին հրահանգվել է լքել ՌԴ տարածքային ջրերը։
