02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
BP-ն և ադրբեջանական SOCAR-ը դիմել են Իսրայելի գազի հանքավայրում ներդրումների համար
Քաղաքականություն
19.07.2023 | 23:02
British Petrolium-ը և Ադրբեջանի պետական նավթային SOCAR ընկերությունն առաջին անգամ մասնակցել են Իսրայելի բնական գազի հետախուզման լիցենզավորման փուլին, որը հանդիսանում է Արևելյան Միջերկրականի ավազանի նկատմամբ միջազգային հետաքրքրության աճի վերջին նշանը։ Այս մասին հայտնում է Reuters-ը՝ հղում անելով իր աղբյուրներին, փոխանցում է ադրբեջանական Թուրան գործակալությունը։
Նշվում է, որ BP-ն և SOCAR-ը իսրայելական NewMed Energy-ի հետ համատեղ հայտ են ներկայացրել երկու ծովային բլոկների համար լիցենզավորման չորրորդ փուլում, որն ավարտվել է կիրակի։ Սա տեղի է ունեցել չորս ամիս անց այն բանից հետո, երբ BP-ն և Աբու Դաբիի պետական նավթային հսկան Adnoc-ը առաջարկել են համատեղ ձեռք բերել NewMed-ի 50%-ը մոտ 2 միլիարդ դոլարով, ինչը նրանց հնարավորություն կտա օգտվել Իսրայելի աճող էներգետիկ հատվածից:
NewMed-ը խոշորագույն բաժնետեր է հսկա «Լևիաթան» հանքավայրում, որը շահագործում է Chevron-ը, որում 12 մլրդ խորանարդ մետր գազ է արտահանվում։ Այն մատակարարվում է Իսրայել, Եգիպտոս ու Հորդանան։
Աղբյուրները հայտնում են, որ NewMed-ի, BP-ի և SOCAR-ի կողմից ներկայացված համատեղ դիմումը վերաբերում էր «Լևիաթան» և «Թամար» հանքավայրերի անմիջական հարևանությամբ գտնվող բլոկներին:
Նշվում է, որ BP-ը հրաժարվել է մեկնաբանություններից, իսկ ադրբեջանական SOCAR-ը չի պատասխանել մեկնաբանության դիմումին։ Կարգավորող փաստաթղթերում NewMed-ը հաստատել է, որ դիմել է «միջազգային ընկերություններին» կոնսորցիումի շրջանակներում: Մրցույթի հաղթողները պետք է հայտարարվեն չորրորդ եռամսյակում։
Էմմա Չոբանյան
