23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Թուրքիայի բյուջեի դեֆիցիտը հունիսին հասել է 8 մլրդ դոլարի
Քաղաքականություն
17.07.2023 | 22:50
Թուրքիայի կառավարությունը հայտարարել է, որ երկրի բյուջեի դեֆիցիտը հունիսին զգալիորեն աճել է՝ հասնելով 219,6 միլիարդ թուրքական լիրայի (8,37 միլիարդ դոլար), գրում է Duvar-ը։
Ըստ Ֆինանսների նախարարության՝ կառավարության բյուջեի եկամուտները կազմել են 268,2 միլիարդ թուրքական լիրա (11 միլիարդ դոլար), մինչդեռ անցյալ ամիս ծախսերը կազմել են 487,8 միլիարդ լիրա (19 միլիարդ դոլար)։ Ըստ այդմ, բյուջեի եկամուտները հունիսին, նախորդ տարվա նույն ամսվա համեմատ, աճել են 48,2 տոկոսով, իսկ բյուջեի ծախսերը՝ 130 տոկոսով։
Հունվար-հունիս ամիսներին բյուջեի եկամուտները, նախորդ տարվա նույն ժամանակահատվածի համեմատ, աճել են 48,6 տոկոսով և կազմել 1,88 տրլն լիրա (71 միլիարդ դոլար)։ Բյուջեի ծախսերը նույն ժամանակահատվածում աճել են 101,7 տոկոսով և հասել 2,36 տրլն լիրայի (89,7 միլիարդ դոլար):
Այսպիսով, կառավարության բյուջեն հունիսին գրանցել է 219,6 միլիարդ լիրայի ( 8 միլիարդ դոլար) դեֆիցիտ, իսկ հունվար-հունիսին՝ 483,2 միլիարդ լիրայի (8,3 միլիարդ դոլար):
Ֆինանսների նախարար Մեհմեդ Շիմշեքը հուլիսի 17-ին շրջաբերական է ուղարկել բոլոր պետական հաստատություններին և հայտարարել, որ բոլոր ծախսերը, բացառությամբ երկրաշարժից տուժած գոտու, պետք է վերանայվեն և չափից դուրս խնայողությունների մեթոդներ կիրառվեն։
Էմմա Չոբանյան
