06.08.2026 | 16:20
«Արարատ-Արմենիան» հետաքրքրված է Վահան Բիչախչյանի ծառայություններով. աղբյուր
Հայկական 5 թագավորություններից ամեն մեկը մտածում էր իր մասին. ապաքաղաքական զրույց Կարեն Մաթևոսյանի հետ. ՏԵՍԱՆՅՈՒԹ
Հաղորդաշարեր
16.07.2023 | 21:02
Factor TV-ի A-politic հաղորդաշարի հյուրն է պատմական գիտությունների դոկտոր, պրոֆեսոր Կարեն Մաթևոսյանը: Նրա հետաքրքրությունների շրջանակում է հայ միջնադարի քաղաքական անցուդարձը, գրավոր մշակույթը, արվեստը, հատկապես՝ Անիի թագավորության շրջանում:
Պատմաբանը թեման համարում է արդիական, հատկապես այն պարագայում, որ Անիի մասին կան տասնյակ թուրքական և մի քանի վրացական աշխատություններ: Գիտնականն իր ուսումնասիրությունների արդյունքում հայտնաբերել է մոտ 600 գրավոր հիշատակած անուններ, որոնցից մի քանիսը մահմեդական էին, մի քանիսը՝ վրացի, մնացածը՝ հայ: Կարեն Մաթևոսյանը հաղորդման ընթացքում անդրադարձել է Անիում ապրող նշանավոր հայ մտավորականներին, մանրանկարիչներին:
Անդրադառնալով Անիի անկման պատմությանը՝ հաղորդման հյուրն առաջարկում է զերծ մնալ պատմական գործիչներին պիտակներ կպցնելուց: Ավելի լայն համատեքստում իրադարձություններին նայելով՝ պատմաբանը ցույց է տալիս, որ մինչև Պետրոս Գետադարձի և Վեստ Սարգսի հայտնի գործողությունները, թագավորությունում տիրում էր խորը ներքաղաքական ճգնաժամ՝ քաղաքացիական պատերազմի դրսևորումներով: Եվ քաղաական վերնախավի մի մասը կարծում էր, որ Անին բյուզանդացիներին հանձնելով՝ թե՛ իրենց հարցերը կլուծվեն, թե՛ անեցիների համար ավելի բարենպաստ վիճակ է ստեղծվելու: Երկու կանխատեսումներն էլ սխալ էին: Այս նկատառումները հանգում են ռազմավարական մտածողության բացակայության կամ պակասի խնդրին:
Մանրամասները տեսանյութում:
Արամ Աբրահամյան
