24.11.2024 | 14:02
Ավտոմեքենայի դուռը փակվել է, 1-ամյա երեխան մնացել է ներսում․ օգնել են փրկարարները
Անհետ կորածի հայրը ցանկանում էր հանդիպել Փաշինյանին, անվտանգությունը թույլ չտվեց․ ՏԵՍԱՆՅՈՒԹ
Հասարակություն
13.07.2023 | 15:18
«Մինչև փետրվար ամիսը իմ երեխու հետ կապի մեջ եմ եղել․ ուրիշ երկրից գիշերվա ժամերին զանգել է անընդհատ, ինձ հետ չի խոսել, չեն թողել, բայց իր ձայնը, շունչը լսել եմ»,- այս մասին լրագրողների հետ զրույցում պնդում է 44-օրյա պատերազմի անհետ կորած զինծառայող Գևորգ Արաբաջյանի հայրը՝ Աղասի Արաբաջյանը, ով հերթական անգամ բողոքի ակցիա է իրականացնում Կառավարության շենքի դիմաց:
Նա նշում է, որ մինչև այսօր որդու դիակն իրեն չեն տվել և պահանջում է՝ պատասխան տալ։
Երկու դիակ են ցույց տալիս՝ առանց ատամնաշարի․․․ Ես իմ երեխու ատամնաշարի քարտը վերցրել եմ ատամնաբույժից, գիտեմ՝ որ ատամն է բացակայում, որն է պլոմբած։ ԴՆԹ թեստ էլ եմ հանձնել հարյուր անգամ․․․
Ուրիշի դիակ են տալիս, ասում են տար հուղարկավորի՝ երկու օրից կքանդես, թե չէ աջակցությունից կզրկվես։
Գտել են Ուրալը Ջաբրայիլում, ասել են ձեր որդին է, եկել ենք մորգ, մասունքը չկա: Հետո ասացին՝ սխալմունք է եղել, դա լեյտենանտ է եղել, ձեր երեխան չի․․․
Զինվորներ կան, որ փաստերով ասում են, որ իմ երեխուն հանձնել են։ Քննչականում ինչո՞ւ չեն գործ հարուցում։ Իմ երեխե՞ն էր իրենց աչքի գիլեն հանում»,- ասաց անհետ կործած զինծառայողի հայրը։
Նշենք, որ անհետ կորածի հայրը ցանկանում էր հանդիպել վարչապետ Նիկոլ Փաշինյանին, անվտանգությունը թույլ չտվեց։
Մանրամասները՝ տեսանյութում։
