06.06.2026 | 18:40
Ստեփանավանի տարածաշրջանում կարկուտ է տեղացել․ կան վնասներ
Հրավառական նյութեր ներմուծողները կտուգանվեն մինչև 3 միլիոն դրամով․ Սիսակ Գաբրիելյան․ ՏԵՍԱՆՅՈՒԹ
Տնտեսություն
13.07.2023 | 12:48
Ազգային ժողովը արտահերթ նիստում քննարկվում է ԱԺ «Տեխնիկական անվտանգության պահովման պետական կարգավորման մասին օրենքում» փոփոխություններ կատարելու մասին նախագիծը։
Հիմնական զեկուցողը «Քաղաքացիական պայմանագիր» խմբակցության պատգամավոր Սիսակ Գաբրիելյանը հայտնեց, որ առաջինից երկրորդ ընթերցում կատարվել են մի քանի փոփոխություններ։
Նախագծով առաջարկվում է հրագործական արտադրատեսակները դասակարգել հինգ դասի։
«1-ին և 2-րդ դասերին են պատկանում կենցաղային օգտագործման հրագործական արտադրատեսակները, իսկ 3-րդ, 4-րդ 5-րդ դասերին՝ դրսում կիրառվող հրավառությունների համար նախատեսված տեխնիկական նշանակության հրագործական արտադրատեսակները։
Կենցաղային օգտագործման հրագործական արտադրատեսակների հետ կապված՝ լիցենզավորում կտրվի ներմուծման և պահեստավորման մասով, որոշակի պայմաններ են սահմանվում նրանց պահման վայրի, հակահրդեհային իրավիճակի հետ կապված։
Իսկ մեծ ազդեցություն ունեցող հրավառությունների ներմուծումը նախատեսվում է արգելել՝ բացառությամբ պետական կամ համայնքային նշանակության տոների կամ պետական կամ համայնքային մասնակցության միջոցառումների ընթացքում:
Այս մի բացառությունը թողնվել է նրա համար, որ գոնե երկրում հրավառություն լինի, բայց այդ հրավառությունը եթե լինում է, իմանանք, որ կա՛մ պետական կամ համայնքային նշանակության միջոցառում է»,- նշեց Գաբրիելյանը:
Պատգամավորն ընդգծեց որ խախտումների դեպքում մեծ տուգանքներ են նախատեսվել․ «Մինչև երեք միլիոն դրամի տուգանք է նախատեսվել այս պայմանների խախտման դեպքում, այսինքն՝ եթե առանց թույլտվության կամ սահմանված պահանջների խախտմամբ ընկերությունը փորձի ներմուծել հրավառություններ, առաջին անգամ դա կլինի մեկից երկու միլիոն դրամ տուգանք, կրկնվելու դեպքում մինչև երեք միլիոն դրամ»:
Մանրամասները՝ տեսանյութում։
