17.02.2026 | 10:19
Նիկոլ Փաշինյանը և Աննա Հակոբյանը իրենց ամուսնությունը գրանցել են
Օդանավակայանի վերազինումից նորություն կա՞, թե «Հին Երևան» նախագծի պես մի 10 տարի կխոսանք․ ՏԵՍԱՆՅՈՒԹ
Տնտեսություն
11.07.2023 | 15:55
ԱԺ այսօրվա արտահերթ նիստում «Քաղաքացիական պայմանագիր» խմբակցության պատգամավոր Սիսակ Գաբրիելյանը, դիմելով ՏԿԵ նախարարի տեղակալ Արմեն Սիմոնյանին, հարց հնչեցրեց․ «Օդանավակայանի վերազինումից նորություն կա՞, թե «Հին Երևան» նախագծի պես մի 10 տարի կխոսանք, և առաջընթաց չի լինի։
Ի պատասխան՝ Սիմոնյանը նշեց, որ «Զվարթնոց» օդանավակայանի ներդրումային ծրագրի մասով ստեղծված է միջգերատեսչական աշխատանքային խումբ, որը գլխավորում է փոխվարչապետ Մհեր Գրիգորյանը, և այդ աշխատանքային խումբը ժամանակ առ ժամանակ քննարկումներ է իրականացնում, պրոցեսը է ընթանում․ «Այդ գործընթացի վերաբերյալ ավելի հստակ տեղեկություն ուենենալու դեպքում մենք կհաղորդենք ձեզ»։
Պատգամավորն արձագանքեց․ «Այդ մասին գիտեինք, բայց ի՞նչն է խոչընդոտում, որ հիմա ներդրում չեն ուզում անել, փոխե՞նք պայմանագիրը, թե՞ այլ խնդիրներ կան, որովհետև ցանկացած մարդ, որը գնում է օդանավակայան, տեսնում է, որ օդանավակայանը չի հերիքում մարդկանց այն հոսքին, որը մենք բարեբախտաբար ունենք հիմա»։
«Մեր հարաբերությունները «Արմենիա միջազգային օդանավակայաններ» կազմակերպության հետ 2001թ․ կառավարության և այդ ընկերության միջև կնքված կոնցեսիում պայմանագրով են կարգավորվում։ Այդ պայմանագրում կան դրույթներ, այդ թվում նաև ներդրումների վերաբերյալ, որոնք փոխում են պայմանագրում նշված որոշակի ցուցանիշներ։ Այդ ցուցանիշների փոփոխությունը կարող է ազդեցություն ունենալ թե՛ պետության կողմից որոշակի պարտավորությունների ստանձնման, թե՛ պայմանագրի ժամկետի փոփոխության, և թե՛ այլ բազմաթիվ հարցերի վրա։ Հիմա այդ հարցերը քննարկվում են, ուսումնասիրվում է նաև, թե այն ներդրումային ծրագիրը, որը ներկայացվել է, ինչպիսի ազդեցություն կարող է ունենալ։ Բոլոր հարցերն ուսումնասիրվում են և համապատասխան ընթացք կստանան»։,- պատասխանեց փոխնախարարը։
Մանրամասները՝ տեսանյութում։
