10.04.2026 | 10:22
Աշխարհի գավաթ․ Երեք հայ մարմնամարզիկ եզրափակիչում է
Մահակ՝ խոսքի ազատության դե՞մ, թե խաղի ազնիվ կանոններ․ քննարկում՝ ԶԼՄ-ների ինքնակարգավորման թեմայով․ ՏԵՍԱՆՅՈՒԹ
Քաղաքականություն
04.07.2023 | 19:02
Ժողովրդավարական պետության և հասարակության կայացման գործում լրատվամիջոցներն ունեն չափազանց էական դերակատարում։ Հայաստանում, որտեղ ժողովրդավարությունն ինստիտուցիոնալ առումով կայացած չէ, հակառակը, հակաժողովրդավարական հետընթացի վտանգները պահպանվում են, առանցքային է դառնում ազատ, անկախ և անաչառ լրատվամիջոցների դերակատարումը։
Քաղաքացիների աշխարհայացքի, քաղաքական ընտրության, երևույթների նկատմամբ վերաբերմունքի, հետևաբար՝ նաև քաղաքական ակտիվության վրա մեծ դեր ունեն լրատվամիջոցները։ Թերևս, սա է նաև պատճառը, որ հաճախ են լրատվամիջոցները հայտնվում ճնշումների ներքո։ Նրանց անկախությանը, խոսքի ազատությանը կարող են սպառնալ ոչ միայն պետական և իշխանական մարմինները, այլև քաղաքական, օլիգարխիկ, տնտեսական շահեր ունեցող խմբավորումները, որոնք փորձում են ԶԼՄ-ներին օգտագործել՝ սեփական շահերը սպասարկելու նպատակով։ Եվ այս իրավիճակում լրագրողական էթիկայի և պատասխանատու լրատվության անհրաժեշտությունը դառնում է առանցքային։
Ինչքանո՞վ է այս խնդիրը սուր արտահայտված Հայաստանում, ի՞նչ դեր կարող է ունենալ լրատվամիջոցների ինքնակարգավորումը։ Այսօր Factor TV-ի ուշադրության կենտրոնում հենց այս խնդիրն է՝ լրագրողական էթիկա և պատասխանատու լրատվություն։ Թեման քննարկելու ենք ԶԼՄ-ների էթիկայի Դիտորդ մարմնի նախագահ Բորիս Նավասարդյանը և «Ժողովուրդ» օրաթերթի գլխավոր խմբագիր Քնար Մանուկյանը։
Մանրամասները՝ տեսանյութում։
