19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Ֆրանսիայում իրավիճակը լարված է․ գիշերը ձերբակալվել է ավելի քան 700 մարդ
02.07.2023 | 12:21
Ֆրանսիայում գիշերային անկարգությունների ընթացքում ավելի քան 700 մարդ է ձերբակալվել: Այս մասին Twitter-ում հայտնել է ներքին գործերի նախարարությունը:
Գերատեսչությունը հայտնում է նաև, որ գիշերային անկարգությունների ընթացքում ավելի քան 40 ոստիկան և ժանդարմ է տուժել։
Երեքշաբթի առավոտյան ոստիկանները Նանտերի ճանապարհին ստուգման ժամանակ գնդակահարել են 17-ամյա դեռահասի, որը, ուժայինների տեղեկություններով, հրաժարվել է կատարել իրենց պահանջները: Ֆրանսիայի մի շարք քաղաքներում անկարգություններ են սկսվել, որոնք շարունակվում են արդեն մի քանի օր։ ՆԳՆ-ի տվյալներով ՝ ամբողջ երկրում երիտասարդները հրկիզել են մոտ 3,3 հազար ավտոմեքենա, ինչպես նաև ոստիկանության և իշխանությունների շենքեր: Էկոնոմիկայի նախարարության տվյալներով՝ թալանվել է մոտ 250 բանկային մասնաճյուղ, 200 մթերային խանութ և մոտ տասը առևտրի կենտրոն: Մի շարք քաղաքներում ոստիկանական հատուկ ջոկատայիններ են տեղակայվել, գործի են դրվել զրահատեխնիկա և ուղղաթիռներ: Ընդհանուր առմամբ ձերբակալվել է մոտ 2,4 հազար մարդ, որոնցից մեկ երրորդը՝ անչափահասներ։
