06.08.2026 | 15:00
Երկու օրով կփակվի Խանջյան փողոցի մի հատվածը
Դատավոր Դավիթ Հարությունյանին հեռացրել են դահլիճից. նա պատմում է, թե ինչ է կատարվել ԲԴԽ-ում․ ՏԵՍԱՆՅՈՒԹ
Հասարակություն
26.06.2023 | 17:50
Բարձրագույն դատական խորհուրդն այսօր նիստի ընթացքում դատավոր Դավիթ Հարությունյանին հեռացրել է նիստերի դահլիճից: Դատավորը ԲԴԽ շենքից դուրս գալուց հետո հարցազրույց էր տալիս լրագրողներին, երբ վերջինիս փաստաբաններ Միքայել Շխիմյանը և Երեմ Սարգսյանը մուտք գործեցին շենք, ապա դուրս եկան:
Վերջիններս, ինչպես հետո պարզվեց, ԲԴԽ աշխատակազմին տեղյակ էին պահել, որ ցանկանում են մասնակցել նիստին, քանի որ Հարությունյանին հեռացնելուց հետո, փաստացի, նրա շահերը ներկայացնող չկար խորհրդի նիստին: Աշխատակազմից հայտել են, որ տեղյակ կպահեն խորհրդին:
Րոպեներ անց, երբ փաստաբանները կրկին մուտք գործեցին ԲԴԽ, նրանց հայտնեցին, որ գործի քննությունն ավարտվել է: Այսօր է ավարտվել, թե առհասարակ, ԲԴԽ աշխատակազմից չհայտնեցին, սակայն հետո ոչ պաշտոնապես պարզ դարձավ, որ խորհուրդը հեռացել է խորհրդակցական սենյակ` որոշում կայացնելու, որը կհրապարակվի հուլիսի 3-ին:
Մանրամասները՝ տեսանյութում։
