11.04.2026 | 22:24
Այցելել եմ երեկվա ողբերգական վթարից տուժած փոքրիկներին․ Ավանեսյան
Պրիգոժինի դեմ քրեական գործ է հարուցվել հեղաշրջման կոչերի համար․ Մոսկվայում ուժայինները բերվել են մարտական բարձր պատրաստականության վիճակի
24.06.2023 | 01:00
DW-ի ռուսական ծառայությունը հայտնում է ՌԴ-ում ներքաղաքական լարվածության մասին։ «Վագներ» խմբավորման առաջնորդ Եվգենի Պրիգոժինը ՌԴ պաշտպանության նախարարությանը մեղադրել է խմբավորմանը հասցված հրթիռային հարվածի մեջ, ինչի հետևանքով խմբավորումը բազմաթիվ զոհեր ունի։ ՌԴ պաշտպանության նախարարությունն այս մեղադրանքը անհիմն է համարում։
Պրիգոժինը հրապարակված հերթական գրառման մեջ հայտարարել է. «Սա ռազմական հեղաշրջում չէ, սա արդարության երթ է։ Վլադիմիր Պուտինը հայտարարել է, որ տեղեկացված է Պրիգոժինի շուրջ ստեղծված իրավիճակի մասին, «ձեռնարկվում են բոլոր անհրաժեշտ միջոցները», հայտարարել է Կրեմլի մամուլի խոսնակ Դմիտրի Պեսկովը:
Պրիգոժինի հայտարարություններից հետո ԱԴԾ-ն գործ է հարուցել զինված ապստամբության կոչի վերաբերյալ, հայտնել են Ազգային հակաահաբեկչական կոմիտեից:
«Վագներ»-ի ղեկավարը պնդում է նաև, որ պաշտպանության նախարար Սերգեյ Շոյգուն, իբր, հանձնարարել է 2 հազար դի թաքցնել Դոնի Ռոստովի դիահերձարանում ՝ «կորուստները ցույց չտալու համար»:
Մոսկվայում, Դոնի Ռոստովում ուժայինները բերվել են մարտական բարձր պատրաստականության վիճակի, պնդում է այսպես կոչված «ԴԺՀ»-ի նախկին առաջնորդներից Իգոր Գիրկինը:
