08.10.2026 | 21:07
Միրզոյանն ու Արաղչին հեռախոսազրույց են ունեցել
Իրանը հուսով է առաջիկա ամիսներին ԵՏՄ-ի հետ ստորագրել ազատ առևտրի գոտու մասին համաձայնագիրը
Քաղաքականություն
23.06.2023 | 16:28
Իրանը հուսով է, որ Եվրասիական տնտեսական միության ազատ առևտրի գոտու մասին համաձայնագիրը կստորագրվի առաջիկա մեկ-երկու ամսում։ ՏԱՍՍ-ի հաղորդմամբ՝ այս մասին ասել է ՌԴ-ում Իրանի դեսպան Քազեմ Ջալալին։
«Մենք կողմ ենք այս համաձայնագրի ստորագրմանը, հուսով ենք, որ այս համաձայնագիրը կստորագրվի մոտակա մեկ-երկու ամսում: Ես հանդիպեցի փոխվարչապետ Օվերչուկի հետ։ Ջանքեր ենք գործադրում, որպեսզի այս համաձայնագիրը հնարավորինս շուտ ստորագրվի»,- ասել է դիվանագետը։
2019 թվականի հոկտեմբերին ուժի մեջ է մտել ԵՏՄ-ի և Իրանի միջև ազատ առևտրի ժամանակավոր համաձայնագիրը (սահմանափակ քանակությամբ ապրանքների մաքսատուրքերի նվազեցում): Դրանից հետո բանակցություններ են սկսվել մշտական հիմունքներով համաձայնագիր կնքելու համար։ Կողմերն ավարտել են ըստ էության քննարկումները և սկսել են մշակել ապագա փաստաթղթի մանրամասները։
Տաթև Ֆռանգյան
