06.04.2025 | 22:02
Աշխարհի ամենաթանկարժեք կենտրոնական պաշտպանները
«Քննություն հանձնող շատ դիմորդներ հույսը դնում են սարքերի վրա․ իրենց պատի հետևում օգնողներ կան»․ ՏԵՍԱՆՅՈՒԹ
Հասարակություն
14.06.2023 | 18:23
Ահազանգեր ենք ստանում` թե’ միասնական քննություններ, թե’ դպրոցում ավարտական քննություններ հանձնելու ընթացքում որոշ դիմորդներ ու շրջանավարտներ կարողանում են օգտվել բջջային հեռախոսներից ու ականջակալներից: Քննություն հանձնող շատ դիմորդներ հույսը դնում են սարքերի վրա․ իրենց պատի հետևում օգնողներ կան։ Այս խնդրի մասին հունիսի 14-ին տեղի ունեցած Ազգային ժողով-Կառավարություն հարցուպատասխանի ընթացքում բարձրաձայնեց «Քաղաքացիական պայմանագիր» խմբակցության պատգամավոր Լիլիթ Ստեփանյանը:
Դիմելով ԿԳՄՍ նախարար Ժաննա Անդրեասյանին՝ պատգամավորը հետաքրքրվեց, թե ինչ պետք է անել այդ խնդիրը լուծելու համար:
Հարցին ի պատասխան` նախարարը նշեց, որ չի բացառում, որ նման խնդիրներ կլինեն: «Այս պահի դրությամբ՝ ինձ հասանելի տեղեկությամբ 6 դեպքում քննություն հանձնողները հեռացվել են, նրանց մոտ տեխնիկական միջոցներ են հայտնաբերվել:
Ունենք 8 դիմորդ, որոնք քննության չմասնակցելու ու բժշկական տեղեկանք ներկայացնելու փորձեր են արել:
Երեխաները շատ հնարամիտ են, չեմ բացառում, որ տեխնիկական միջոցներից օգտվելու այնպիսի հնարավորություններ են գտնում, որ դեռ այդ ձևերը հասկանալու կարիք կունենանք, բայց մենք շատ ուշադիր ենք փորձում լինել: Հավելյալ վերահսկողության կարիք միշտ կա»,- նշեց նախարարը՝ հավելելով, որ հանրային վարքականոնի խնդիր է, թե որքանով ենք կեղծիքը հանդուրժում։
Մանրամասները` տեսանյութում:
