08.04.2026 | 22:00
ԵՏՄ-ում մնալը ձեռնտու է՝ ՀՀ-ին շահավետ գործարք է․ ԵՄ-ում չենք ունենա տնտեսական նման կարողություններ․ Մանե Թանդիլյան. ՏԵՍԱՆՅՈՒԹ
Մեզ համար առաջնահերթը Բաքվի և Երևանի դիրքորոշումների մերձեցումն է․ Զախարովան՝ ՀՀ-Ադրբեջան բանակցություններում ԱՄՆ-ի ու ԵՄ-ի ներգրավվածության մասին․ ՏԵՍԱՆՅՈՒԹ
Քաղաքականություն
07.06.2023 | 18:18
ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցում անդրադարձել է Հայաստան-Ադրբեջան հարաբերությունների կարգավորմանն Արևմուտքի ներգրավվածությանը, այդ թվում՝ Քիշնևում հունիսի 1-ին տեղի ունեցած հնգակողմ հանդիպմանը։
Նա, մասնավորապես, նշել է, որ Մոսկվան աշխատանք է տանում Բաքվի ու Երևանի միջև հարաբերությունների կարգավորման ուղղությամբ՝ Հայաստան-ՌԴ-Ադրբեջան եռակողմ ձևաչափով երեք երկրների ղեկավարների հայտարարութունների հիման վրա։
«Մենք համարում ենք եռակողմ պայմանավորվածությունների համալիրը այլընտրանք չունեցող ճանապարհային քարտեզ Ռուսաստանի համար երկու եղբայրական ժողովուրդների հաշտեցման գործում։ Այդ աշխատանքում կան բանակցային գործընթացի ուղղություններ, դինամիկա, ֆորմատներ։ Մենք շարժվում ենք նախատեսված պլանով, վերլուծում՝ ինչի մասին եղել է պայմանավորվածություն»,- ասել է Զախարովան։
Նա նշել է, որ Մոսկվայի համար առաջնահերթ է մնում Հայաստանի և Ադրբեջանի մոտեցումների մերձեցումը, կայուն, հավասարակշռված որոշումների մշակումը։
«Ինչ վերաբերվում է ԱՄՆ-ի ու ԵՄ գործողություններին, հարցեր են առաջանում՝ ինչո՞վ է պայմանավորված նրանց հանկարծակի ուշադրության մեծացումը հայ-ադրբեջանական կարգավորման հարցում։ Ավելի վաղ ԵՄ երկրներն ուշադրություն չէին դարձնում Հարավային Կովկասի այս խնդրին։ Հիմա փոխվել է կոնյուկտուրան։ Խոսենք պատմական փորձից, որը ցույց է տալիս, որ դրսից պարտադրված խաղաղության բանաձևերը, որոնք արագ ռեժիմով առաջ են մղվում, որևէ լավ բանի չեն հանգեցնում»,- ասել է Զախարովան՝ հավելելով, որ պետք է իմանալ տարածաշրջանի ու հակամարտության պատմությունը։
Մանրամասները՝ տեսանյութում։
Էմմա Չոբանյան
