06.06.2026 | 14:11
Հայ շախմատիստների վերջնական արդյունքները կանանց ԵԱ-ում
Թունաքիմիկատների արժեքի բարձրացում է կանխատեսվում․ ներմուծման խնդիրներ կան․ ՏԵՍԱՆՅՈՒԹ
Տնտեսություն
07.06.2023 | 16:14
Այս նախաձեռնության նպատակը սննդամթերքի անվտանգության պետական վերահսկողության և բուսասանիտարիայի ոլորտներում հրատապ լուծում պահանջող խնդիրներին հնարավորինս արագ հանգուցալուծում տալու անհրաժեշտությունն է: Այս մասին այսօր ԱԺ տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի մշտական հանձնաժողովի նիստում նշեց ՀՀ էկոնոմիկայի նախարարի տեղակալ Աշխեն Շիրվանյանը
Նշենք, որ առաջին ընթերցմամբ քննարկվում է ««Սննդամթերքի անվտանգության պետական վերահսկողության մասին» օրենքում լրացումներ կատարելու մասին» և ««Բուսասանիտարիայի մասին» օրենքում լրացումներ կատարելու մասին» օրենսդրական փաթեթը:
ՀՀ էկոնոմիկայի նախարարի տեղակալը պարզաբանեց, որ խնդիրը վերաբերում է պեստիցիդների և ագրոքիմիկատների ներմուծմանը: Հարցն այն է, որ ՍԱՏՄ պետի հրամանով հանրապետությունում գրանցված պեստիցիդների անվանացանկում փոփոխություն է կատարվել, որով ավելացվել է երկու պահանջ` արտադրող երկրի և ֆիրմայի վերաբերյալ, ինչի հետևանքով պեստիցիդներ և ագրոքիմիկատներ ներմուծելու հարցում խնդիրներ են առաջացել: Առաջարկվող փոփոխություններով նախատեսվում է կարգավորել այդ նյութերը ներմուծելու հարցը: Թունաքիմիկատների արժեքի բարձրացում է կանխատեսվում
Օրենսդրական նախաձեռնությանը հանձնաժողովը դրական եզրակացություն տվեց:
Մանրամասները՝ տեսանյութում։
