08.10.2026 | 16:44
Ոչ մի կապ չունի ազգությունը. ՔՊ-ականը` զինված ադրբեջանցու հանցագործության մասին․ ՏԵՍԱՆՅՈՒԹ
Ջրի պակաս կա․ Սևանից լրացուցիչ ջուր վերցնելու կարիք կա․ Սանոսյան․ ՏԵՍԱՆՅՈՒԹ
24.05.2023 | 20:45
Ջրի պակաս կա․ Սևանից լրացուցիչ ջուր վերցնելու կարիք կա։ ԱԺ-Կառավարություն հարցուպատասխանի ժամանակ նշեց Տարածքային կառավարման եւ ենթակառուցվածքների նախարար Գնել Սանոսյանը՝ անդրադառնախով պատգամավոր Արուսյակ Մանավազյանի հարցերին, թե ինչ է սպասվում ոռոգման շրջանում, ինչ կանխատեսումներ կան և որն է Կառավարության քաղաքականությունը հարցին պատասխանել է
Գնել Սանոսյանը նախ անդրադարձավ Կապսի ջրամբարի շինարարության մեկնարկին, նախագծված տարողունակ ոռոգման ամբարին եւ ոռոգման երկար համակարգին:
Խոսելով այս տարվա ոռոգման աշխատանքներից` նախարարը նշել է, որ ջրի պակաս կա, և փորձ է արվում կառավարումը դարձնել արդյունավետ:
«Չի բացառվում, որ Սևանից լրացուցիչ ջուր վերցնելու կարիք լինի»,- հավելեց Գնել Սանոսյանը՝ հավելելով, որ դեռևս հաշվարկներ են արվում, թե Սևանից ինչ ծավալի ջուր վերցնելու կարիք կլինի։
Նախարարը տեղեկացրեց, որ այսօր առավոտի դրությամբ այդ պակասը արդեն 250 մլն մետր խորանարդի է հասնում։ Հիմնականում խնդիր ունեն Ախուրյանի, Ազատի, Ապարանի ու Մարմարիկի ջրամբարը։
«Խնդիրը հատկապես բարդ է Ապարանի ջրամբարի ոռոգման գոտում, որտեղ այլ փոխարինող չկա և Ախուրյանի ջրամբարում, որտեղ 160 մլն խորանարդ մետր ավելի քիչ ջուր կա, քան նախորդ տարի այս նույն օրը»,–ասաց նա։
Գնել Սանոսյանը հավելեց, որ գետերում ջրի ծավալն այս պահին նույնպես քիչ է։
Նախարարը վստահեցրեց, որ դժվարությամբ, բայց կառավարությունը կկարողանա կառավարել այս գործընթացը։
Մանրամասները` տեսանյութում:
