17.12.2025 | 12:17
Արման Ծառուկյանն ու Մեհդի Բայդուլաևն անցկացրել են հայացքների մենամարտ․ ՏԵՍԱՆՅՈՒԹ
Չեմ կարծում՝ Արևմուտքը որևէ մեկի ձեռքը բռնել է իր պարտականությունները կատարելու հարցում․ Փաշինյան․ ՏԵՍԱՆՅՈՒԹ
Քաղաքականություն
22.05.2023 | 12:38
ՀԱՊԿ առաքելությունը Հայաստանի տարածքում չի գործում մի պարզ պատճառով, որ չի մատնանշում, թե որն է իր պատկերացրած Հայաստանի Հանրապետության տարածքը։ Երբ ՀԱՊԿ-ը դա հստակ ընդգծի, պրոբլեմների 90 տոկոսը կվերանա։ Սա ֆունդամենտալ պրոբլեմն է, պրոբլեմների իննսուն տոկոսը կա՛մ դա է, կա՛մ բխում է դրանից։ Այսօր հրավիրված մամուլի ասուլիսի ժամանակ այս տեսակետը հայտնեց ՀՀ վարչապետ Նիկոլ Փաշինյանը։
«Երկրորդը՝ մենք Արևմուտքից Ռուսաստանին դուրս քշելու կամ հարաբերությունները խզելու որևիցե ազդակ չենք ստանում, և չեմ կարծում, որ այդպիսի ազդակ երբևէ կլինի։
Ազդակները կարող են լինել երկկողմ հարաբերությունների զարգացման կամ ընթացքի մասին, ինչը վերաբերում է այդ թվում Ռուսաստանին։ Այսինքն, մենք մեր երկկողմ հարաբերությունները ՌԴ մեր գործընկերների հետ շատ թափանցիկ ենք քննարկում և կարծում եմ, որևէ մութ կետ չկա այդ խոսակցություններում մեր մտահոգությունների մասին, որոնք մենք ունենք տարածաշրջանում Ռուսաստանի Դաշնության և մեր հարաբերություններում առկա իրադրության վերաբերյալ։
Եկեք դիտարկենք Լաչինի միջանցքում ստեղծված իրադրությունը։ Ի վերջո չմոռանանք, որ Նոյեմբերի 9-ի եռակողմ հայտարարությամբ Լաչինի միջանցքը վերահսկողության տակ պահելը Ռուսաստանի պարտավորությունն է։ Եվ Լաչինի միջանցքում անցակետի ապօրինի տեղադրումը Ադրբեջանի կողմից հենց այդ պարտավորության խախտումն է։
Ես չեմ կարծում, որ Արևմուտքը որևէ մեկի ձեռքը բռնել է և թույլ չի տալիս, որ այդ պարտավորությունները կատարվեն»,- նշեց վարչապետը։
Մանրամասները՝ տեսանյութում։
