25.11.2024 | 19:51
Ալումյանը՝ ընդդեմ ԿԿՀ-ի․ դատարանը բավարարել է հայցը
Քաղաքացիներն էլեկտրոնային վճարումների վերաբերյալ կեղծ SMS-ներ են ստանում
Հասարակություն
16.05.2023 | 16:20
«Հայփոստ»-ի անունից կեղծ SMS-ներից հետո հիմա սկսվել է էլեկտրոնային վճարումների կեղծիքը գալ»,- ֆեյսբուքյան իր էջում գրել է մեդիափորձագետ Սամվել Մարտիրոսյանը` կից լուսանկար հրապարակելով։
«Եթե ուշադիր նայեք, կտեսնեք, որ իրականում .gd դոմեյնի վրա է գրանցված կայքը, am մասը հղման կտոր է, անջատված գծիկներով»,- գրված է հրապարակման մեջ։
Նամակում գրված չէ, թե ստացողը ինչի համար պետք է վճարի, միայն նշված է, որ վճարումը չկատարելու դեպքում տեղեկությունը կփոխանցի ՀՀ ՊԱԿ, իսկ Հայաստանում նման կառույց գոյություն չունի։
Դեռ օրեր առաջ, երբ «Հայփոստ»-ի անունից էին կեղծ հաղորդագրություններ տարածվում, Նունե Ֆարմանյանը ևս նման հաղորդագրություն էր ստացել։ Նա Factor.am-ին պատմեց, որ նամակը ստանալու պահին տեղյակ չէր, որ «Հայփոստ»-ի անունից կեղծ նամակներ են շրջանառվում։
«Նախորդ օրը ծանրոց էի ուղարկել, ու հաջորդ օրը նամակ եկավ, որ պետք է կրկին վճարում անեմ։ Հեռախոսահամարը կասկածելի էր, քանի որ հայկական կոդով չէր, մտածեցի, որ կեղծ կլինի», – ասաց Նունե Ֆարմանյանը։
Անի Թամրազյան
