09.09.2026 | 13:21
«Պերաշկու գործով» ես ինձ տուժող եմ համարում. «Ուժեղ Հայաստան»-ի պատգամավոր․ ՏԵՍԱՆՅՈւԹ
Ադրբեջանը չի՛ կարող ասել՝ 3 անկլավում ադրբեջանցիներ են ապրել, ինձ տվեք․ փաստարկ չունի՝ ինչպես են դրանք ձևավորվել. Համո Սուքիասյան. ՏԵՍԱՆՅՈՒԹ
Քաղաքականություն
13.05.2023 | 12:02
Վարչապետ Նիկոլ Փաշինյանն օրերս հայտարարեց, որ Հայաստանը պատրաստ է ընդունել Ադրբեջանի հետ ամբողջ սահմանագիծը՝ 1975 թվականի քարտեզներով։ Քարտեզագետների կարծիքով՝ Փաշինյանը նկատի ունի ԽՍՀՄ ԶՈՒ Գլխավոր շտաբի 1974-ի ռազմական քարտեզները, որոնց հիման վրա ՀՀ-ն անկախություն է ձեռք բերել։
Ըստ այդ քարտեզի՝ Հայաստանի տարածքը 29,800 քառակուսի կիլոմետր է և ունի ադրբեջանական անկլավներ Տավուշում, որոնց միջով, սակայն, անցնում է Հայաստան-Վրաստան միջպետական ճանապարհը և Տիգրանաշենը՝ Սյունիքի մարզ տանող ճանապարհին։ Հայկական Արծվաշենն էլ 1992-ին ադրբեջանական զինուժը գրավեց՝ 4000 բնակչությամբ գյուղ, որը դատարկվել է հայերից։ Բացի այդ, Ադրբեջանը վերցրել է տարածքներ Պառավաքար, Բերքաբեր, Վազաշեն սահմանային գյուղերից։
Սահմանազատման ու սահմանագծման աշխատանքները 1970-ականների քարտեզով իրականացնելը նշանակում է անկլավների վերադա՞րձ։ Պատմաբան Համո Սուքիասյանը Factor TV-ին տված հարցազրույցում ասում է, որ Ադրբեջանը չի կարող ասել՝ անկլավներում ադրբեջանցիներ են ապրել, ինձ տվեք։
«Նրանք փաստարկներ չունեն՝ ինչպես են դրանք ձևավորվել ՀՀ տարածքում։ ՀՀ-ին պատկանող Արծվաշենը հիմա բնակեցված է ադրբեջանցիներով․ նրանք պիտի դուրս գան գյուղից, ինչը նրանց համար լուրջ խնդիր է։ Կարող եմ ասել, որ հայկական Արծվաշեն անկլավի տարածքը նույն չափի է, ինչ ադրբեջանական երեք անկլավները՝ ՀՀ-ում․ ճիշտը Տավուշում սահմանը պահպանելն է այս տեսքով, հակառակ դեպքում՝ սահմանի կահավորման խնդիր կլինի, եթե ԽՍՀՄ սահմաններին վերադառնանք։ Ապակայունացում կլինի՝ Բաքվի այս վարքագիծը հաշվի առնելով»,- ասաց պատմաբանը։
Հարցազրույցն ամբողջությամբ՝ տեսանյութում։
Ռոբերտ Անանյան
