07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Ջազային հրավառություն Գյումրիում. կայացավ HAY-AT JAZZ ամենամյա փառատոնը
Մշակույթ
10.05.2023 | 17:22
ՀՀ ԿԳՄՍ նախարարությամբ ֆինանսավորմամբ Գյումրիում մայիսի 4-ից 7-ը անցկացվել է HAY-AT JAZZ ամենամյա ջազային փառատոնը՝ հանրահայտ ջազ երաժիշտների մասնակցությամբ․ տեղեկացնում են ՀՀ ԿԳՄՍՆ-ից։
Գյումրիում «Հայը՝ ջազում, ջազը՝ բակում…» խորագրով փառատոնն այս տարի անցկացվում էր 5-րդ անգամ։ Ջազային համերգների հարթակներն ինչպես ամեն տարի, այս տարի ևս Գյումրու թանգարանների բակերն էին: Մարդաշատ ջազային համերգներին մասնակցել են հարյուրավոր ջազի սիրահար գյումրեցիներ, քաղաքի հյուրեր ու օտարերկրացիներ՝ վայելելով միջազգային ճանաչում ունեցող հայ ջազմենների կատարումները:
Լևոն Մալխասյան, Վահագն Հայրապետյան, Արտյոմ Մանուկյան, Արտո Թունջբոյաջյան, Նիկողայոս Վարդանյան, Կարեն Մամիկոնյան, Տիգրան Սուչյան, Կարեն Քոչարյան, Արամո. ջազային աստղաբույլի մասնակցությամբ բոլոր համերգների մուտքն ազատ էր:
