15.11.2024 | 23:30
Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ
Ռուսաստանին և Հայաստանին կապում են ռազմավարական գործընկերության սերտ կապերը, մեր պետությունների միջև ձևավորվել է բովանդակալից քաղաքական երկխոսություն. Պուտին
Քաղաքականություն
29.06.2018 | 13:57
ՌԴ նախագահ Վլադիմիր Պուտինը ողջույնի խոսք է հղել հայ-ռուսական 7-րդ միջտարածաշրջանային համաժողովի մասնակիցներին: Այս մասին տեղեկանում ենք Կրեմլի կայքից:
«Թանկագին բարեկամներ,
Սրտանց ողջունում եմ ձեզ հայ-ռուսական 7-րդ միջտարածաշրջանային համաժողովի առթիվ: Ձեր ամենամյա հանդիպումներն արդեն լավ ավանդույթ են դարձել: Կենտրոնական և տեղական ինքնակառավարման մարմինների ներկայացուցիչները, քաղաքական ու հասարակական գործիչները, գործարարները, գիտնականներն ու փորձագետները փորձի փոխանակում են իրականացնում, կառուցողական քննարկումներ են ծավալում երկկողմ համագործակցության արդիական հարցերի շուրջ:
Ռուսաստանին և Հայաստանին կապում են բարեկամության և ռազմավարական գործընկերության սերտ կապերը: Մեր պետությունների միջև ձևավորվել է բովանդակալից քաղաքական երկխոսություն տարբեր մակարդակներում, զարգանում է ակտիվ առևտրատնտեսական, գիտատեխնիկական, մարդասիրական փոխգործակցությունը:
Ռուս-հայկական հարաբերությունների ամրապնդման գործում կարևոր դեր է խաղում միջտարածաշրջանային համագործակցությունը, որի շրջանակում իրականացվում են բազմաթիվ համատեղ նախագծեր ենթակառուցվածքների, սոցիալական, մշակութային, սպորտային և այլ ոլորտներում:
Վստահ եմ, որ կկարողանաք նոր հետաքրքիր գաղափարներ և առաջարկներ մշակել, որոնք կնպաստեն Ռուսաստանի և Հայաստանի միջև գործընկերային կապերի հետագա ընդլայնմանը, ինչպես նաև եվրասիական տարածքում փոխշահավետ ինտեգրացիոն գործընթացների առաջխաղացմանը:
Անկեղծորեն ձեզ հաջողություններ ու ամենայն բարիք եմ մաղթում:
Վլադիմիր Պուտին»:
