15.11.2024 | 23:30
Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ
Հայտնի գործարար Լևոն Մարկոսը հարցաքննվել է. նրա ունեցվածքը խլել էին հայաստանյան օլիգարխները. «Հրապարակ»
29.06.2018 | 10:14
«Հրապարակ» թերթը գրում է.
Մեր տեղեկություններով՝ ուժային կառույցներում հանում են իրենց արխիվներում մնացած նամակները, դիմումները, նախկին իշխանության հրահանգով կարճված գործերը և նոր քննություններ սկսում: Մենք տեղեկացանք, որ վերջերս Հայաստան է ժամանել Մոսկվայում բնակվող հայ անվանի ձեռնարկատեր Լևոն Մարկոսը, ում դեմ ՀՀ նախկին իշխանությունները հետապնդում էին իրականացնում։
Նա հարցաքննվել է վաղուց հարուցված մի քրգործի շրջանակներում։ Բանն այն է, որ գործարարն այստեղ մեծ ունեցվածքի տեր էր, այն խլել են հայաստանյան օլիգարխները, ինչի առթիվ նա մի շարք բաց նամակներ է հղել՝ մեղադրելով Սերժ Սարգսյանին: Սակայն այս ամենի արդյունքում քրեական գործ է հարուցվել, մեղադրանք առաջադրվել գործարարին, որ այլևս մոռանա Հայաստանի ճանապարհը:
Այժմ, երբ իշխանություն է փոխվել, Մարկոսը եկել է Հայաստան, հարցաքննվել և հույս ունի, որ արդար քննություն կլինի: Նա 1-2 տարի առաջ Մոսկվայում հանդիպել է Նիկոլ Փաշինյանին և զրուցել իր հարցով:
Առավել մանրամասն՝ թերթի այսօրվա համարում:
